उद्रेक न्युज वृत्त
चंद्रपूर :- सायबर गुन्हेगारांनी चंद्रपूरचे पोलिस अधीक्षक रवींद्र सिंह परदेशी यांच्या नावाने बनावट फेसबुक अकाऊंट तयार केल्याचा गंभीर प्रकार उघडकीस आला आहे. गुन्हेगार थेट पोलिस अधीक्षकांच्या नावाने असलेल्या बनावट खात्यावरून अनेकांना फ्रेंड रिक्वेस्ट पाठविण्यात येत आहे.यासंदर्भात पोलिस अधिक्षक रवींद्र सिंह परदेशी यांनी त्यांच्या नावाने बनावट फेसबूक अकाऊंट तयार झाल्याचे मान्य केले आहे.
ओटीपीद्वारे नागरिकांच्या खात्यातील पैसे परस्पर काढून घेणे,महिलांचे अश्लील फोटो व व्हिडिओ प्रसारित करणे,फेसबुक खाते हॅक करून संबंधितांच्या नावाने पैशांची मागणी करणे,यासह आधुनिक काळात आभासी विद्वत्तेच्या आधारे थेट एखाद्या व्यक्तीच्या आवाजात फोन करून पैशांची मागणी करणे अथवा एखाद्या व्यक्तीचा व्हिडिओ मॉर्फ करून अश्लील चित्रफिती बनवणे नित्याचेच झाले आहे.गुन्हेगारांना बेकायदा संरक्षण देण्यासाठी पोलिस अधीक्षकांच्या बनावट फेसबूक खात्याचा वापर करू शकतात.प्राप्त माहितीनुसार हे गुन्हेगार थेट पोलिस अधीक्षकांच्या नावाने असलेल्या बनावट खात्यावरून अनेकांना फ्रेंड रिक्वेस्ट पाठविण्यात येत आहे.यासंदर्भात पोलिस अधिक्षकांनी त्यांच्या नावाने बनावट फेसबुक अकाऊंट तयार झाल्याचे मान्य केले आहे.
रवींद्र सिंह परदेशी जिल्हा पोलिस अधिक्षक,चंद्रपूर👇
माझ्या नावाने बनावट फेसबूक अकाऊंट तयार केले. असून माझ्या नेली फ्रेंड् रिक्वेस्ट कुणीही स्वीकारू नये; मी कुणालाही फ्रेंड रिक्वेस्ट पाठवत नसून हे गुन्हेगारांचे कृत्य असल्याने त्या अकाऊंटला ब्लॉक करून फेसबुकला रिपोर्ट करावे.
