वाघाच्या हल्ल्यात एकजण ठार; दुपारच्या घटनेने भीतीचे वातावरण..

वासुदेव वाकुडकर हे नेहमीप्रमाणे आज बुधवारच्या सकाळी आपली जनावरे घेऊन गावालगतच्या सावली वनपरिक्षेत्रातील व्याहाड जंगल उपक्षेत्राच्या उपरी नियतक्षेत्रात गेले होते.गुरे चराई करीत होते,तर बाजूलाच उभ्या असलेल्या वासुदेव वाकुडकर यांचेवर दबा धरून बसलेल्या वाघाने अचानकपणे हल्ला चढवला.यात वासुदेव वाकुडकर यांचा जागीच मृत्यू झाला.माहिती मिळताच वन विभागाच्या अधिकाऱ्यांनी आणि कर्मचाऱ्यांनी घटनास्थळी धाव घेतली.वनपरिक्षेत्र अधिकाऱ्यांच्या नेतृत्वाखालील पथकाने घटनास्थळाची पाहणी केली.मृतदेहाचा पंचनामा करून पुढील कार्यवाही सुरू करण्यात आली आहे.घटनेचा अधिक तपास वन विभागाचे अधिकारी करीत आहेत.