गतिमंद महिलेवर अत्याचार करणाऱ्या नराधमांना कठोरात-कठोर शिक्षा देण्याची मागणी… -प्रदेश युवक काँग्रेसच्या सरचिटणीस शिवानी वडेट्टीवार…

चंद्रपूर :-नागभीड येथे गत १२ दिवसांपूर्वी एका गतिमंद महिलेवर अत्याचार करून त्याचा व्हिडीओ सोशल मीडियावर व्हायरल करण्यात आला होता.याप्रकरणी पाच आरोपींना अटक करण्यात आली.या घटनेतील आरोपींला कठोर शिक्षा देण्यात यावी; अशी मागणी प्रदेश युवक काँग्रेसच्या पदाधिकाऱ्यांनी अतिरिक्त पोलिस अधीक्षक रीना जनबंधू यांना निवेदनातून केली आहे.

नागभीड शहरातील एक गतिमंद महिला एकटी फिरत असल्याचे पाहून काही आरोपींनी तिला निर्जनस्थळी नेऊन तिच्यावर अत्याचार केला.एवढेच नव्हे तर अत्याचाराचा व्हिडीओ काढून आरोपींपैकी एकाने समाज माध्यमावर व्हायरल केला.या घटनेची माहिती मिळताच प्रदेश युवक काँग्रेस सरचिटणीस शिवानी वडेट्टीवार यांनी नागभीड पोलिस स्टेशनमध्ये या प्रकारणातील आरोपींना कठोर शिक्षा देण्यासाठी पोलिस अधीक्षक रीना जनबंधू यांना निवेदन दिले. राज्यात नुकत्याच घडलेल्या बदलापूर,अकोला जिल्ह्यातील घडलेल्या अमानुष घटनांच्या तसेच नागभीड येथील अत्याचार प्रकरणातील आरोपींना फाशीची शिक्षा देण्यात यावी; अशी मागणी केली.याप्रसंगी काँग्रेसचे चिमूर विधानसभा समन्वयक डॉ. सतीश वारजुरकर,ओबीसी संघटक धनराज मुंगले, नागभीड तालुकाध्यक्ष प्रमोद चौधरी,महिला तालुकाध्यक्ष प्रणया गड्डमवार,सिंदेवाही तालुकाध्यक्ष सीमा सहारे,सिंदेवाही नगराध्यक्ष स्वप्निल कावळे, उपनगराध्यक्ष मयूर सुचक,कृषी उत्पन्न बाजार समिती संचालक जयश्री कावळे,माजी नगरसेवक प्रतिक भसीन,युवक काँग्रेस शहराध्यक्ष महेश कुर्जेकर,युवक काँग्रेस महासचिव अमोल वानखेडे,युवक काँग्रेस अध्यक्ष सौरभ मुळे, सिंदेवाही अध्यक्ष अभिजित मुपीडवार, गजानन उरकुडे, प्रशांत गेडाम,संकेत वारजुकर, संदीप सातव,भूपेश कोरे,पारस नांगरे, रूपाली रत्नावार, निमंत्रिका कोकोडे,प्रीती गुरणुले, रजनी काऊलकर,महेश मंडलवार,निकू भैसारे,रोशन वारजूरकर,अंकुश सिडाम तसेच बहुसंख्य कार्यकर्ते उपस्थित होते.