उद्रेक न्युज वृत्त
चंद्रपूर :- नवीन बिअर शॉपीला परवाना देण्यासाठी एक लाखाची लाच मागितल्याप्रकरणी फरार आरोपी उत्पादन शुल्क विभागाचे अधीक्षक संजय पाटील यांना अखेर काल,मंगळवारी (दि.१४) लाचलुचपत प्रतिबंधक विभागाने अटक केली.त्यांना न्यायालयाने २ दिवसांचा पीसीआर दिला आहे.घुग्घूस येथील रहिवासी असलेल्या तकारकर्त्यांना बीअर शॉपीचा परवाना हवा होता.मंगळवारी (दि.७) दुय्यम निरीक्षक खारोडे यांनी परवाना देण्याच्या कामासाठी लाच मागितली होती. ती अधीक्षक अभय खताळ यांच्यामार्फत स्वीकारली होती.एसीबीच्या तपासानंतर अधीक्षक पाटील यांनी लाच घेण्याचे मान्य केले होते. या प्रकरणी एसीबीने खारोडे आणि खताळ यांना यापूर्वीच अटक केली.तर अधीक्षक पाटील पसार झाले होते.
एसीबीच्या पथकाने अधिकाऱ्यांच्या घरातून लाखो रुपयांचा माल जप्त केला होता.दरम्यान,पसार अधीक्षक संजय पाटील यांनी अटकपूर्व जामिनासाठी जिल्हा न्यायालयात अर्ज केला होता.मात्र न्यायालयाने अटकपूर्व जामीन फेटाळला.आता हायकोर्टात अटकपूर्व जामिनासाठी अर्ज केल्याची माहिती वकिलांच्या माध्यमातून मिळाली आहे.दरम्यान, मंगळवारी आरोपी संजय पाटील यांना एसीबीने अटक केली.न्यायालयाने त्यांना दोन दिवसांचा पीसीआर दिला आहे.या प्रकरणाचा पुढील तपास वरिष्ठ अधिकाऱ्यांच्या मार्गदर्शनाखाली सुरू आहे. जिल्ह्यात कुठेही शासकीय अधिकारी,कर्मचारी किंवा त्यांचे माध्यम लाचेची मागणी करत असल्यास लाचलुचपत प्रतिबंधक विभागाशी संपर्क साधण्याचे आवाहन करण्यात येत आहे.
