उद्रेक न्युज वृत्त
चंद्रपूर :- मागील काही दिवसांपासून तापमानात प्रचंड वाढ झाली आहे.जणू काही सूर्य आग ओकत आहे. या दरम्यान चंद्रपूरमध्ये आज दुपारच्या सुमारास अचानक अवकाळी पावसाचे आगमन झाले. विजांच्या कडकडाटासह जोरदार पाऊस पडला अचानक आलेल्या पावसाने चंद्रपुरात अनेकांची धावपळ उडाली.
गेले आठवडाभर वाढत्या तापमानाने चंद्रपूरकर त्रस्त होते.दरम्यान राज्यातील काही भागात अवकाळी पावसाची शक्यता हवामान विभागाने वर्तविली होती. या अंदाजानुसार आज दुपारी अचानक ढगांची दाटी होत विजांच्या कडकडाटासह चंद्रपुरात पावसाला सुरुवात झाली.अचानक सर्वत्र अंधारल्याने महामार्गावरील वाहनांना देखील हेडलाईट लावून मार्गक्रमण करावे लागले.या पावसाने चंद्रपुरात वाढत्या तापमानापासून नागरिकांना मात्र जरा दिलासा मिळाला.
चंद्रपुरात तापमान ४० अंशाच्या वर गेले आहे.अशातच आज दुपारच्या सुमारास झालेल्या पावसामुळे नागरिकांना काहीसा दिलासा मिळाला असला, तरी या पावसानानंतर उकाड्यात प्रचंड वाढ होण्याची शक्यता देखील वर्तविण्यात आली आहे. शिवाय अचानक आलेल्या पावसामुळे नागरिकांची चांगलीच धावपळ उडाली होती.
