चीमुकलीशी अश्लील वर्तन करणाऱ्या वृद्धाला अटक..

चंद्रपूर :-जिल्ह्याच्या भद्रावती पोलिस ठाण्याच्या हद्दीत अत्यंत धक्कादायक व किळसवाणा प्रकार समोर आला आहे.परिसरातील इतर मुलांसोबत खेळत असलेल्या एका ४ वर्षीय चीमुकलिशी ७५ वर्षीय वृद्धाने अश्लील वर्तन केल्याप्रकरणी भद्रावती पोलिसांनी गुन्हा दाखल करून त्यास अटक केली व न्यायालयात हजर केले असता न्यायालयाने त्याला न्यायालयीन कोठडी सुनावली आहे.वासुदेव नथ्युजी बागडे वय ७५ वर्षे असे आरोपी वृद्धाचे नाव असून पीडित चिमुकलीचे आई-वडील संबंधित परिसरात किरायाच्या घरात वास्तव्यास आहेत. त्यातच आरोपी वासुदेव बागडे त्याच परिसरात राहतो. घटनेच्या दिवशी म्हणजेच दोन दिवसांपूर्वी सायंकाळी चार वाजेच्या सुमारास पीडित मुलगी परिसरातील इतर मुलांसोबत खेळत असतांना आरोपी वासुदेव बागडे याने चार वर्षीय चिमुकलीशी अश्लील वर्तन केले.त्यामुळे घाबरलेल्या चिमुकलीने घरी परतून घडलेला प्रकार आपल्या आई-वडिलांना सांगितला.सदरचा धक्कादायक प्रकार समोर येताच पालकांनी तातडीने भद्रावती पोलिस ठाणे गाठून तक्रार नोंदविली. तक्रारीच्या आधारे पोलिसांनी वासुदेव बागडे याच्याविरुद्ध पॉक्सो कायद्यासह विनयभंगाचा गुन्हा दाखल करून त्याला अटक केली.प्रकरणाचा पुढील तपास भद्रावती पोलीस प्रशासन करीत आहे.