चारचाकी वाहनाचे स्टेरिंग लॉक झाल्याने अपघात…

भंडारा :-चारचाकी वाहनाचा अपघात घडल्याची घटना काल,गुरुवारी लाखांदूर तालुक्यातील मानेगाव फाट्या नजिक उघडकीस आली.चारचाकी वाहनाचे स्टेरिंग लॉक झाल्याने अपघात झाल्याची माहिती पुढे आली आहे.यात जीवितहानी टळली असली तरीही चारचाकी वाहनाचे मोठे नुकसान झाले आहे.वाहनातील एअर बॅग उघडल्याने चालक-मालक प्रशांत रणदिवे थोडक्यात बचावले.सदरची घटना दुपारच्या सुमारास घडल्याने नागरिकांनी घटनास्थळी धाव घेत घटनेची माहिती दिघोरी पोलिसांना दिली.

माहितीनुसार,साकोली वरून देसाईगंज येथे चारचाकी वाहनाने येत असतांना नागपूर येथील सिविल कॉन्ट्रॅक्टर प्रशांत रणदिवे यांच्या वाहनाचे स्टेरिंग लाखांदूर तालुक्यातील बोरगाव पुढे मानेगाव फाट्या नजिक लॉक झाल्याने भरधाव वेगात असलेली चारचाकी रस्त्याच्या विरुद्ध दिशेला असलेल्या एका झाडाला आढळून समोर खड्ड्यात कोसळली. कोसळताच गाडीतील एअर बॅग उघडल्याने जीवितहानी टळली. मात्र,अशातच चारचाकी वाहनाचा चेंदामेंदा होऊन मोठे नुकसान झाले आहे.सदर घटनेची माहिती दिघोरी पोलिसांना कळताच दिघोरी पोलिसांनी घटनास्थळ गाठून घटनेचा पंचनामा करून  पुढील तपास सुरू आहे.