चंद्रपुरात घातला गंडा अन् गडचिरोली येथे अडकला.. – ऑनलाइन पेमेंटचे बनावट स्क्रीन शॉट प्रकरण..

चंद्रपूर :-ऑनलाईन पेमेंट म्हणता-म्हणता एका उच्च शिक्षित तरुणाने शक्कल लढवीत चक्क ऑनलाइन पेमेंटचे बनावट स्क्रीन शॉट दाखवून डिलिव्हिरी बॉय,मोबाइल दुकान चालक व एका ज्वेलर्सला तब्बल एक लाखाने चुना लावल्याचा प्रकार चंद्रपूर शहरात उघडकीस आला आहे.याप्रकरणी शहर पोलिसांनी आरोपी साद नामक तरुणास गडचिरोली येथून अटक केली आहे.

३१ ऑगस्ट रोजी चेतन सोनवाने हा डिलिव्हरी बॉय ऑनलाइन बुकिंग केलेला मोबाइल सादला देण्यासाठी एकोरी वॉर्ड येथे गेला.यावेळी सादने फेक पेमेंट

ॲपचा वापर करून मोबाइलचे २४ हजार ११६ रुपये पेमेंट केल्याचा स्क्रीन शॉट दाखवला.दरम्यान काही वेळाने ते पैसे कंपनीत पोहोचलेच नसल्यासे सोनवाने यांच्या लक्षात आले.त्याने फोन करून सादला विचारणा केली असता,पेमेंट केले असे सांगून ऐकण्याच्या मनःस्थितीत नव्हता.त्यामुळे सोनवाने याने याबाबतची तक्रार शहर पोलिसात केली.आरोपी हा तांत्रिक विभागातून बीसीए केलेला उच्चशिक्षित तरुण आहे.तश्याच प्रकारची फसवणूक करीत मोबाइल दुकान चालक व एका ज्वेलर्स सोबतही ठगबाजी प्रकरणी गुन्हा दाखल करण्यात आला आहे.