उद्रेक न्युज वृत्त
कुरखेडा(गडचिरोली) :- शाळेत शिक्षणाचे पवित्र कार्य करणाऱ्या शिक्षकानेच शाळेतील १३ वर्षीय अल्पवयीन विद्यार्थिनीशी गैरवर्तणूक केल्याने संबंधित शिक्षकाविरोधात विनयभंग व पोक्सो अंतर्गत काल, सोमवारी दिनांक- १ एप्रिल रोजी सांयकाळी कुरखेडा पोलिस ठाण्यात गुन्हा दाखल करण्यात आला आहे.
आरोपी शिक्षकाचे नाव घनश्याम मंगरू सरदारे वय ४७ वर्ष, असे असून तो कुरखेडा तालुक्यातीलच एका जि.प.उच्च प्राथमिक शाळेत शिक्षक आहे.शाळेतील एका अल्पवयीन मुलीला दोन पानी प्रेम-पत्र देत तिच्याशी अश्लिल वर्तणूक करून तिचा विनयभंग केल्याची तक्रार मुलीच्या पालकांनी गावकऱ्यांसह कुरखेडा पोलिस ठाणगयात जाऊन दिली.संबंधित शिक्षकावर गुन्हा दाखल करण्यात आला आहे. आरोपी शिक्षक फरार असल्याची माहिती आहे.या प्रकरणाचा तपास ठाणेदार रेवचंद सिंगनजूडे यांचा मार्गदर्शनात महिला पोलिस उपनिरीक्षक अवचार करीत आहेत.
