स्कार्पिओची दुचाकीला धडक; दुचाकीस्वार ठार तर सहकारी गंभीर जखमी..

चंद्रपूर :-अपघातांचे प्रमाण सर्वत्र दिवसेंदिवस वाढतच चालले आहेत.आपण कितीही सतर्कता बाळगतो म्हटले तरीही समोरील वाहन चालक अपघात घडवून आणणार की नाही; याची शास्वती ही कमीच असते.असाच काहीसा प्रकार उघडकीस आला आहे.चिमूर तालुक्यातील पोलीस स्टेशन भिसी अंतर्गत जांभुळघाट-भिसी-उमरेड महामार्गावरिल पारडपार फाट्याजवळ स्कार्पिओ कारच्या धडकेत दुचाकीस्वाराचा मृत्यू झाला,तर एक इसम गंभीर जखमी झाल्याची घटना काल,रविवारी घडली.

माहितीनुसार,काल रविवार दुपारी मोटर सायकलवरून २८ वर्षीय अभिषेक अंकुश बारेकर हा एम एच ३४,टी ९२७६ ने आंबेनेरी वरून जांभुळघाटकडे जात होता. यावेळी पारडपार फाट्याजवळ स्कार्पिओ क़मांक एमएच २७ ए आर ७२५८ ची जबर धडक बसली. दुचाकीस्वार अभिषेक बारेकर याचा घटनास्थळीच मृत्यू झाला तर सहकारी प्रदीप दिलीप जांभुळे वय ३० वर्षे रा.आंबेनेरी हा गंभीर जखमी झाला.भिसी पोलीसांना अपघाताची माहिती होताच त्यांनी तात्काळ घटनास्थळी दाखल होऊन मृत्तदेह ताब्यात घेतला.मृतदेह शवविच्छेदनाकरिता व गंभीर जखमीला उपचाराकरिता उपजिल्हा रुग्णालय चिमुर येथे पाठविण्यात आले.गंभीर जखमी प्रदीप जांभुळे याला चिमूर येथून पुढील उपचाराकरिता नागपुरला हलविण्यात आले.