सुनील पारधी यांचेकडे दुसऱ्यांदा भाजपा देसाईगंज तालुकाध्यक्षपदाची धुरा..!

देसाईगंज(गडचिरोली):-सामाजिक,राजकीय व इतर क्षेत्रात दांडगा अनुभव असणारे गोर-गरीब,सर्वसामान्य

जनतेसाठी सदैव झटणारे,मृदभाषी,मनमिळावू स्वभाव,सामाजिक कार्यात हिरीहिरीने भाग घेणारे सुनील पारधी यांचेकडे परत दुसऱ्यांदा भारतीय जनता पक्षाच्या देसाईगंज तालुकाध्यक्षपदाची धुरा देण्यात आली आहे.तर भाजपच्या देसाईगंज शहराध्यक्षपदी सचिन खरकाटे यांचीही दुसऱ्यांदा सर्वानुमते निवड करण्यात आली आहे.भाजपाचे गडचिरोली जिल्हाध्यक्ष प्रशांत वाघरे,माजी आमदार कृष्णा गजबे, किसन नागदेवे,जिल्हा महामंत्री सारडा सदानंद कुथे, जिल्हा उपाध्यक्ष मोतीलाल कुकरेजा,गीताताई हिंगे व पदाधिकारी,कार्यकर्ते यांच्या उपस्थितीत आज,सोमवार २१ एप्रिल रोजी पार पडलेल्या बैठकीत अधिकृत घोषणा करण्यात आली आहे.

भारतीय जनता पक्षाच्या वतीने दर तीन वर्षांनी पक्षातील पदाधिकाऱ्यांच्या नियुक्त्या करण्यात येतात.सर्वप्रथम प्रतिष्ठित मान्यवर,पदाधिकारी व कार्यकर्त्यांची बैठक आयोजित करण्यात येत असते. बैठकीत उत्कृष्ट कार्य करणाऱ्यांची सर्वानुमते निवड केली जाते.अश्याच प्रकारची बैठक आज सोमवारी देसाईगंज शहरात पार पडली.त्यानुसार मागील तीन वर्षांपासून अविरत सामाजिक कार्य तथा पक्ष संघटन यामध्ये मोलाची भूमिका बजावल्याने दोन्ही पदाधिकाऱ्यांना सर्वानुमते पुनश्च एकदा सुनील पारधी यांना देसाईगंज तालुकाध्यक्षपद तर सचिन खरकाटे यांना देसाईगंज शहराध्यक्ष पूर्वपदावर विराजमान करण्यात आले. सदरच्या निवडीमुळे पुन्हा एकदा पक्ष संघटनात्मक बळकटीचा एक महत्त्वपूर्ण टप्पा पार पडला.यावेळी प्रामुख्याने जिल्ह्यासह तालुक्यातील पदाधिकारी व कार्यकर्ते उपस्थित होते.