वनपरिक्षेत्र अधिकाऱ्यास शिवीगाळ करणाऱ्या आरोपीस अनोखी शिक्षा..

चंद्रपूर :-जिल्ह्याच्या राजुरा तालुका मुख्यालयापासून २० किलोमिटर अंतरावर असलेल्या निंबाळा गावातील गैर आदिवासींचे अतिक्रमण हटविण्याबाबत कारवाईसाठी गेलेल्या महिला वनपरिक्षेत्र अधिकाऱ्यास शिवीगाळ व चालकास धक्काबुक्की केल्याप्रकरणी जिल्हा सत्र न्यायालय चंद्रपूरचे न्यायधीश शेख यांनी आरोपीस एक अनोखी व आगळी-वेगळी शिक्षा सूनावल्याने जिल्ह्यात एकच चर्चेचा विषय ठरला आहे.गणपत रघुनाथ नैताम वय ३१ वर्षे असे सजा सुनावलेल्या आरोपीचे नाव असून प्रकरणी तीन हजार रुपयांचे दंड आणि कोर्टाची सुट्टी होईपर्यंत न्यायालयात हजर राहावे,अशी सजा सुनावली आहे.

अधिक प्रकरण असे की,निंबाळा येथील गैर आदिवासींचे अतिक्रमण हटविण्याबाबत तसेच पात्र अपात्र वनहक्क दावे याबाबत निंबाळाच्या तत्कालीन वनपरिक्षेत्र अधिकारी स्वाती महेशकर यांनी २०२२ मध्ये बैठक घेतली होती.यावेळी अतिक्रमण हटविण्याचा निर्णय घेतला.१ फेब्रुवारी २०२२ रोजी वन विभागाचे अधिकारी अतिक्रमण हटवण्यासाठी गेले असता गणपत नैताम याने अटकाव करीत काठी घेऊन वनाधिकाऱ्यांच्या अंगावर गेला व धक्काबुक्की केली,अशी तक्रार होती.निंबाळाच्या वनपरिक्षेत्र अधिकारी स्वाती महेशकर यांनी रामनगर ठाण्यात सन २०२२ रोजी अतिक्रमण काढतांना गणपत नैतान याने शासकीय कामात अडथळा आणल्याची तसेच शिवीगाळ व धक्काबुक्की केल्याची तक्रार दिली होती.पोलिस उपनिरीक्षक स्वप्नील गोपाले यांनी या प्रकरणाचा तपास करून आरोपीविरुद्ध प्रबळ पुराव्यानिशी न्यायालयात दोषारोपत्र सादर केले होते.त्यानुसार सदर प्रकरणाचा नुकताच आगळा- वेगळा व अनोखा निकाल लागल्याने चर्चेचा विषय ठरू लागला आहे.