योगगुरू रामदेव बाबाच्या अडचणीत वाढ; अजामीनपात्र वॉरंट जारी…

उद्रेक न्युज वृत्त :-योगगुरू रामदेव बाबाच्या अडचणीत वाढ झाल्याचे समोर आले आहे.अगोदरच विविध न्यायालयात पतंजलीच्या विरोधात खटले सुरू असतांनाच आणखी एका खटल्यात आक्षेपार्ह जाहिरात प्रसिद्ध केल्या प्रकरणी केरळच्या पलक्कड जिल्हा न्यायालयाने रामदेव बाबासह पतंजली योगपीठाचे अध्यक्ष आचार्य बाळकृष्ण यांच्याविरोधात अजामीनपात्र वॉरंट जारी केले आहे.योगगुरू बाबा रामदेव आणि पतंजली आयुर्वेद लिमिटेड यांच्याविरुद्ध अनेक खटले दाखल आहेत.यामध्ये दिशाभूल करणाऱ्या जाहिराती,ट्रेडमार्क उल्लंघन यासारख्या प्रकरणांचा समावेश आहे.या प्रकरणांमध्ये सर्वोच्च न्यायालयाने बाबा रामदेव आणि पतंजलीला दिलासा दिला असला तरी,पुन्हा न्यायालयाच्या आदेशांचे उल्लंघन केले तर शिक्षा होऊ शकते,अशी ताकीद न्यायालयाने दिली होती.त्यानंतर आता त्यांच्याविरोधात अजामीनपात्र वॉरंट जारी झाले आहे.केरळच्या ड्रग्ज इन्स्पेक्टरने दिव्या फार्मसीविरुद्ध दाखल केलेल्या फौजदारी खटल्याच्या सुनावणीला गैरहजर राहिल्याने न्यायालयाने दोघांनाही १५ फेब्रुवारीला न्यायालयात हजर राहण्याबाबत अजामीनपात्र वॉरंट जारी केले आहे.