रेती तस्कराची मुजोरी; तलाठ्यास धक्काबुक्की करीत ट्रॅक्टर पळवला..

माहितीनुसार,भद्रावती तालुक्यातील कारेगाव येथे  अवैध वाळूची वाहतूक होत असल्याची माहिती तलाठी गीते यांना मिळाली.त्यांनी कारेगाव येथे जाऊन अवैधरित्या वाहतूक करणाऱ्या ट्रॅक्टरला अडविले.तलाठी कारवाई करीत असतांनाच चक्क तलाठ्याला धक्का देत ट्रॅक्टर चालकाने तलाठी यांच्या समोरूनच ट्रॅक्टर पळवून नेला.घटना घडत असतांना बहुसंख्य नागरिक गोळा होत सदर प्रकाराचा व्हिडिओ काही नागरिकांनी काढून सोशल मीडियावर व्हायरल केला आहे.सदर घटनेची माहिती भद्रावतीच्या तहसीलदार भांडारकर यांना देण्यात आली.त्यांच्या सूचनेनुसार शेगाव पोलिसांत सदर प्रकाराची तक्रार दाखल करण्यात आली असून रेती तस्करावर तात्काळ कारवाई करण्याची मागणी नागरिकांनी केली आहे.