रेती घाटावर काम करतांना हृदयविकाराचा तीव्र झटका; मजुराचा मृत्यू..

भंडारा :-रेती घाटावर काम करतांना हृदयविकाराचा तीव्र झटका आल्याने ४१ वर्षीय मजुराचा मृत्यू झाल्याची घटना काल,गुरुवारी तुमसर तालुक्यातील उमरवाडा येथील शासकीय रेती डेपोवर उघडकीस आली.शंकर उईके वय ४१ वर्षे रा.खात,जि.नागपूर असे मृत पावलेल्या मजुराचे नाव आहे.

सदरची घटना गुरुवारी सकाळी १० वाजण्याच्या सुमारास घडली.शंकर उईके हे उमरवाडा येथील शासकीय रेती डेपोत मजूर म्हणून काम करीत होते.काल,गुरुवारी ६ मार्चच्या सकाळी १० च्या सुमारास त्यांची अचानक प्रकृती बिघडली.अस्वस्थामुळे उपस्थित सहकाऱ्यांनी त्यांना तत्काळ रुग्णालयात नेले.मात्र तोपर्यंत त्यांची प्राणज्योत मावळली होती.त्यांच्या पश्चात पत्नी,दोन मुले असल्याची माहिती आहे.सध्या स्थितीत उन्हाळा कडकु लागला आहे.उन्हात काम करणाऱ्यांच्या जीवाची लाही होत असते.त्यामुळे उन्हा-तान्हात काम करणाऱ्या मजुरांनी जीवाची काळजी घेणे आवश्यक आहे.