युवा कबड्डी खेळाडूचा मृतदेह आढळला विहिरीत..

चंद्रपूर :-गेल्या पाच ते सहा दिवसांपासून बेपत्ता असलेल्या युवा कबड्डी खेळाडूचा मृतदेह संशयास्पद स्थितीत गावालगतच्या एका विहिरीत आढळून आल्याने परिसरात एकच खळबळ माजली.गोपीनाथ भीमराव कोडापे वय २० वर्षे,रा.भुरियेसापूर, ता.जिवती,जि.चंद्रपूर असे मृतक खेळाडूचे नाव आहे.

गोपीनाथ हा गेल्या २५ डिसेंबरपासून गायब होता. प्रकरणी कुटुंबीयांनी जिवती पोलीस ठाण्यात तक्रार नोंदवली होती.पोलिसांची शोध मोहीम सुरू असतांनाच भुरियेसापूर गावालगतच्या एका विहिरीत त्याचा मृतदेह आढळून आला.पोलिसांनी मृतदेह विहिरीतून काढले असता त्याच्या कंबरेला दगड बांधलेला आढळल्याने हत्येच्या संशय बळावला आहे.प्रकरणी जिवतीचे ठाणेदार प्रवीण जाधव यांच्या नेतृत्वात चार संशयित इसमांना ताब्यात घेण्यात आले आहे.