फेसबुक मैत्री महागात; विवाहित महिलेवर अत्याचार..

चंद्रपूर :-जिल्ह्याच्या वरोरा तालुक्यात एक धक्कादायक प्रकार उघडकीस आला आहे.एका विवाहित महिलेची २५ वर्षीय तरुणाशी सोशल मीडियाच्या माध्यमातून पहिल्यांदा ओळख झाली. ओळखीची सुरुवात ‘हाय, हॅलो’ व नंतर त्रास देत ब्लॅकमेलिंग करून अत्याचारावर पोहचली.पीडित महिला काल शनिवारी पोलीस ठाण्यात गेल्याने प्रकरणास वाचा फुटली.महिलेने दिलेल्या तक्रारीवरून २५ वर्षीय अभिजित प्रभाकर कुडे रा.उखर्डा,ता.वरोरा, जि.चंद्रपूर याचेवर वरोरा पोलीस ठाण्यात गुन्हा दाखल करण्यात आला आहे.

सध्या स्थितीत फेसबुकवरील मॅसेंजरवर मैत्री करण्याचे प्रमाण वाढलेले दिसून येते.फेसबुक मॅसेंजरवरील मॅसेज गोपनीय न राहता फ्रेंड लिस्टमध्ये असलेल्या इतरांना सहजरीत्या वाचता येते.त्यामुळे कोणतेही सोशल मीडियाचे अकाऊंट वापरतांना खबरदारी घेणे आवश्यक आहे.अश्याच प्रकारे एका विवाहित महिलेची अभिजित कुडे नामक तरुणाशी फेसबुकवर मैत्री झाली.मैत्रीच्या नात्याने दोघांमध्ये मॅसेज करणे व नंतर मोबाईलवर संभाषण सुरू झाले.महिला भोळ्या पणात गेली. आरोपीने त्याच वेळेस काल रेकॉर्ड करणे व मॅसेजचे स्क्रीनशॉट काढून ठेवायला सुरुवात केली.काही दिवसानंतर महिला मंदिरात गेली असता आरोपीने हात धरून विनयभंग केला.हिंगणघाट येथे लॉजवर नेऊन अत्याचार केला. काही दिवसांनी आरोपीने खरी रंगदारी दाखवायला सुरुवात केली.स्वतःकडील काल रेकॉर्ड व मॅसेज महिलेच्या पतीला दाखविण्याची धमकी देत बळजबरी करू लागला.त्यानंतर आरोपीने महिलेला त्रास देणे सुरू केले.त्रास सहन न झाल्याने शेवटी पिडीत महिलेने वरोरा पोलीस ठाणे गाठून तक्रार नोंदवली. आरोपीस गुन्हा दाखल झाल्याची भनक लागताच फरार झाला.वरोरा पोलीस आरोपीच्या मागावर असून लवकरच आरोपीस बेड्या ठोकल्या जाणार,असे वरोरा पोलीस ठाण्याचे ठाणेदार अजिंक्य तांबडे यांनी स्पष्ट केले आहे.