पत्नीचा विक्राळ रूप; ‘तू माझ्याजवळ कां बसला नाहीस?’ असे म्हणत चाकूने हल्ला..

भंडारा :-अनेकदा पती हा पत्नीला बेदम मारहाण वा इतर हल्ले करून जखमी करतांना दिसून येतो.मात्र, भंडारा जिल्ह्याच्या तुमसर तालुक्यात एक आगळी-वेगळी घटना समोर आली आहे.सिनेमा(चित्रपट) पाहतांना पती जवळ बसला नाही म्हणून घरी जाताच पत्नीने विक्राळ रूप धारण करून ‘तू माझ्याजवळ कां बसला नाहीस?’ असे म्हणत पतीवर चक्क चाकूने हल्ला चढवून जखमी केल्याची घटना तुमसर तालुक्याच्या नाकाडोंगरी येथे प्रजासत्ताक दिनाच्या दिवशी घडली. पत्नीने केलेल्या हल्ल्यात आशिष मिश्रा यांच्या हाताला गंभीर जखम झाली आहे.प्रकरणी पत्नीवर गोबरवाही पोलिस ठाण्यात गुन्हा दाखल करण्यात आला आहे.

प्रजासत्ताक दिनाच्या दिवशी आशिष मिश्रा परिवारासह मित्रांसोबत ‘बॉर्डर २’ चित्रपट पाहण्यासाठी तुमसर येथे गेले होते.टॉकीजमध्ये गेल्यानंतर आशिष मिश्रा यांची पत्नी समोरच्या रांगेत बसली.तर आशिष मिश्रा हे मित्रांसोबत मागील रांगेत बसले.चित्रपट पाहतांना पत्नीने काहीही म्हटले नाही. मात्र,घरी जाताच पत्नीने पतीला, ‘तू माझ्याजवळ कां बसला नाहीस?’ यावरून पती सोबत वाद घालायला सुरुवात केली.वाद इतका विकोपाला गेला की,पत्नीने रागाच्या भरात घरातील चाकू काढून पती आशिष यांच्यावर हल्ला चढवला.चाकूचा वार आशिष यांच्या हातावर लागल्याने ते रक्तबंबाळ झाले. आशिष मिश्रा यांना उपचारासाठी स्थानिक रुग्णालयात नेण्यात आले.वेळीच उपचार मिळाल्याने मोठा अनर्थ टळला.लागलीच घटनेची माहिती गोबरवाही पोलीस ठाण्याचे पोलिस निरीक्षक शरद शेवाळे यांना मिळताच त्यांनी पथकास तपास करून डॉक्टरांचा अहवाल मागविला व गोबरवाही पोलिस ठाण्यात पत्नी विरोधात गुन्हा दाखल करण्यात आला आहे.क्षुल्लकशा कारणावरून पत्नीने केलेल्या कृतीमुळे परिसरात एकच खळबळ उडाली आहे.