निकृष्ट दर्जाच्या कामाची राकाँचे तालुकाध्यक्ष क्षितिज उकेंनी घेतली दखल.. – कंत्राटदाराची कानउघडणी करीत निकृष्ट दर्जाचे काम करवून घेतले ‘उत्कृष्ट’..

देसाईगंज(गडचिरोली):-देसाईगंज तालुका मुख्यालयापासून अवघ्या चार किलोमीटर अंतरावर असलेल्या कुरुड गावातील मंजूर होऊन बांधकाम करण्यात आलेल्या डांबरीकरणाचे काम निकृष्ट दर्जाचे झाल्याची तक्रार राष्ट्रवादी काँग्रेस पक्षाचे(शरद पवार गट) देसाईगंज तालुकाध्यक्ष क्षितिज उके यांना प्राप्त होताच कंत्राटदाराची कानउघडणी करीत निकृष्ट दर्जाचे काम ‘उत्कृष्ट’ बनविण्यास भाग पाडले असल्याची घटना उघडकीस आली आहे.

देसाईगंज तालुक्यातील सर्वात मोठे गाव असलेल्या

कुरुड गावासाठी काही महिन्यांपूर्वी मुख्य प्रवेश रस्ता ते प्राथमिक आरोग्य केंद्र कुरुड या ठिकाणापर्यंत डांबरीकरण रस्ता मंजूर करण्यात आला होता.त्यानुसार काही दिवसांपूर्वी सदर रस्त्याच्या डांबरीकरणाचे काम करण्यात आले.काम तर करण्यात आले,मात्र सदर करण्यात आलेल्या कामात डांबरचे प्रमाण कमी वापरण्यात आल्याने कुठे डांबर लागले तर कुठे गिट्टी पांढरकवळी दिसू लागली. झालेले काम निकृष्ट दर्जाचे झाले असल्याची तक्रार ग्रामस्थांनी क्षितिज उके यांना दिली.त्यानुसार उके यांनी बांधकामस्थळी मोक्यावर जाऊन पाहणी केली असता,खरोखरच निकृष्ट दर्जाचे काम झाल्याचे दिसून आले.त्यामुळे त्यांनी बांधकाम कंत्राटदाराशी संपर्क साधून सदर काम निकृष्ट दर्जाचे असल्याने त्वरित उत्कृष्ट करण्याचे फर्मान सोडले. त्यानुसार कंत्राटदाराने रस्त्याच्या डांबराचे प्रमाण वाढवून पुनश्च काम करून घेतल्याने ग्रामस्थांनी क्षितिज उके यांचे आभार व्यक्त केले.