तरुणाची साडीच्या सहाय्याने राहत्या घरीच गळफास घेऊन आत्महत्या..

चंद्रपूर :-एका ३४ वर्षीय तरुणाने साडीच्या सहाय्याने राहत्या घरीच गळफास घेऊन आत्महत्या केल्याची घटना आज,गुरुवार १२ फेब्रुवारी रोजी चंद्रपूर जिल्ह्याच्या राजुरा शहरात सकाळी साडे दहाच्या सुमारास उघडकीस आली.दिपक बाबा पाडे वय ३४ वर्षे,रा.फिरोजशहा कॉलनी,राजुरा,ता.राजुरा,जि.चंद्रपूर असे आत्महत्या केलेल्या तरुणाचे नाव असून तो आयटी(माहिती तंत्रज्ञान)क्षेत्रात अभियंता म्हणून पुणे येथे कार्यरत होता आणि काही दिवसांपूर्वी पुण्याहून राजुरा येथ आला होता.सकाळचे अकरा वाजत आले तरी दिपक झोपेतून जागा झालेला नव्हता.त्यामुळे दिपकच्या आईने नाश्ता करून दिपकला देण्यासाठी आवाज दिला.दीपक ज्या खोलीत झोपलेला होता,त्या खोलीचे दार बंद असल्याने बराच वेळ आवाज देऊनही दिपकने कुठलाही प्रतिसाद दिला नाही.त्यामुळे,वडिलांनी दुसऱ्या चावीने खोलीचा दरवाजा उघडला असता दिपक हा खोलीतील पंख्याला साडीच्या सहाय्याने गळफास घेतलेल्या अवस्थेत दिसून आला.समोरील दृश्य पाहून आई-वडिलांनी एकच हंबरडा फोडला आणि याबाबत दिपकचा लहान भाऊ अक्षयला माहिती दिली.घटनेची माहिती मिळताच अक्षयने घरी धाव घेऊन याबाबत राजुरा पोलिसांना माहिती दिली. प्रकरणी पोलिसांनी घटनेचा पंचनामा करून मर्ग दाखल केला आहे.पुढील तपास राजुरा पोलीस प्रशासन करीत आहे.