घराचे बांधकामावर पाणी टाकण्यासाठी विहिरीजवळ गेलेल्या इसमाचा तोल जाऊन विहिरीत बुडून मृत्यू…

भंडारा :-बांधकाम सुरू असलेल्या घरावर पाणी मारण्यासाठी गेलेल्या एका इसमाचा विहिरीत बुडून मृत्यू झाल्याची घटना आज,मंगळवार दिनांक-३ डिसेंबरला सकाळी लाखांदूर/प्लॉट येथे घडली. मानबिंदू विश्वनाथ दहीवले वय ४८ वर्षे असे मृत पावलेल्या व्यक्तीचे नाव आहे.

मानबिंदू यांनी काही महिन्यांपूर्वी लाखांदूर (प्लॉट) येथे स्वत:च्या घराचे बांधकाम सुरू केले होते.त्या अनुषंगाने ते दररोज सकाळी घरावर पाणी टाकण्यासाठी विहिरीतून पंपाच्या साहाय्याने पाणी द्यायचे.आज सकाळी पाणी टाकण्यासाठी गेले असता अचानक तोल जाऊन ते विहिरीत पडले.त्यातच त्यांचा मृत्यू झाला.या प्रकरणी लाखांदूर पोलिसांनी आकस्मिक मृत्यूची नोंद केली आहे.घटनेचा पुढील तपास ठाणेदार सचिन पवार यांच्या मार्गदर्शनाखाली सुरू आहे.