सावधान..! सायबर चोरट्यांचा नवा फंडा..! व्हॉट्सॲपवर लग्न पत्रिका पाठवून चोरटे बँक खाते करू लागले रिकामे..

सायबर चोरटे लग्नपत्रिकेसारखी दिसणारी पीडीएफ फाईल पाठवतात.या फाईलला invitation असे नाव असते.त्यामुळे मोबाईलधारक संबंधित पीडीएफवर क्लिक करतात.क्लिक करताच मोबाईलमध्ये टॉरझोन व्हायरस घुसवला जातो.या व्हायरसच्या मदतीने चोरटे खातेधारकाचा मोबाईल हॅक करतात.मोबाईलमध्ये असलेल्या बँकेचे अँप,ऑनलाईन ट्रांजेक्शन ॲप यासह इतर गोपनीय माहितीच्या बँक खात्यातील रक्कम इतर अनोळखी खात्यावर परस्पर हस्तांतरित केली जाते. पीडीएफ लग्नपत्रिकेसह सायबर चोरटे एखादा व्हिडिओ आणि त्यासोबत लिंकही पाठवतात. विवाह मुहूर्त आणि विवाहस्थळ पाहण्यासाठी संबंधित लिंकवर क्लिक करण्याचा आग्रह केला जातो. संबंधित लिंकवर क्लिक केल्यानंतर मोबाईलचा ताबा सायबर चोरट्यांना मिळतो. एकदा मोबाईलचा ताबा मिळाला की,मोबाईलमध्ये असलेल्या गोपनीय माहितीच्या आधारे बँक खात्यातील रक्कम परस्पर इतर बँक खात्यावर वळवून घेतली जाते.त्यामुळे वेळीच सतर्कता बाळगणे आवश्यक आहे.