उद्रेक न्युज वृत्त
मुख्य संपादक/सत्यवान रामटेके
कोंढाळा(देसाईगंज) :- गडचिरोली जिल्ह्यातील देसाईगंज तालुक्याच्या कोंढाळा गावातील मतदान केंद्रावर एक अनोखा व विचित्र प्रकार मतदार लोकांच्या बाबतीत घडलेला आहे.सदरची घटना ही काल,दिनांक-१९ एप्रिल २०२४ रोजी दुपारच्या सुमारास उघडकीस आली आहे.
सविस्तर वृत्त असे की,गडचिरोली-चिमूर लोकसभा निवडणुकीची प्रक्रिया सकाळी ७ वाजेवापासून ते दुपारी ३ वाजेपर्यंत पार पडणार होती.मात्र अचानक देसाईगंज तालुक्याच्या कोंढाळा येथील बूथ क्रमांक-१९४ यावर पहिल्यांदाच गालबोट लागल्याचे दुपारच्या सुमारास दिसून आले.सदर बूथ क्रमांकावर कार्यरत असणारे निवडणूक अधिकारी नाकाडे हे मतदारांना चक्क ईव्हीएम मशीनच्या वरच्या बटणावर म्हणजेच कमळावर बटन दाबून मतदान करावे; असे सांगू लागितल्याने काही जणांना याची माहिती होताच सर्वांची भंभेरी काहीकाळ उडाली.सदर घटनेची माहिती सर्वत्र पसरताच मतदार तसेच इतर कार्यकर्त्यांनी याबाबत आवाज उठवून वरिष्ठांना कळविण्यात आले व नाकाडे यांना तात्काळ त्या ठिकाणाहून हटविण्याची मागणी करण्यात आली.त्यानुसार झोनल अधिकारी सरदारे यांनी नाकाडे ऐवजी दुसऱ्या निवडणूक अधिकारी यांची तात्काळ नियुक्ती केली.त्यानंतर सदर प्रकरण काही काळ शांत तर झाले; मात्र आचार संहितेचा भंग केल्या प्रकरणी नाकाडे यांच्यावर त्वरित कारवाई करण्याची मागणी अनेकांकडून जोर धरू लागली आहे.
