उद्रेक न्युज वृत्त
मुख्य संपादक/सत्यवान रामटेके
कोंढाळा(देसाईगंज) :- देसाईगंज तालुक्याच्या कोंढाळा गावातील किर्तिकांत शेंडे यांचा विवाह सोहळा आज दिनांक- २१ एप्रिल २०२४ रोजी दुपारच्या सुमारास मोठ्या थाटात तसेच शांततेत संपन्न झाला असून सदर विवाह सोहळ्यास अनेक मान्यवर तसेच गावकऱ्यांनी उपस्थिती दर्शविली होती.
यंदा फक्त एप्रिल महिन्यातच विवाह मुहूर्त असल्याने सलग विवाह सोहळ्यांची मोठी लगबग सुरू आहे. बाजारपेठेत खरेदीसाठी झुंबड उडत आहे.देसाईगंज शहरातील मुख्य मार्गावरील सराफा,कापडमार्केट असल्याने या भागातील मुख्य रस्त्यावर ग्राहकांची एकच गर्दी दिसून येते.उन्हाचा तडाखा वाढल्याने दुपारी तुरळक लोक हजेरी लावतात.तसेच सकाळच्या सुमारास अनेकजण लग्न लावीत असल्याने वऱ्हाडी लोकांची उष्णतेने दमछाक होऊन जीवाची लाही होतांना दिसून येत आहे.अशातच अनेकजण याला न जुमानता विवाह सोहळ्यास उपस्थिती दर्शवून आपली भूमिका तसेच आपुलकी जोपासण्याचा प्रयत्न करीत आहेत.असाच प्रकार कोंढाळा गावातील किर्तिकांत शेंडे यांचा विवाह सोहळा संपन्न होतांना दिसून आले आहे व सदर विवाह सोहळ्यास गावातील तसेच बाहेर ठिकाणांहून आलेल्या अनेक मान्यवरांनी हजेरी लावून वर व वधुस शुभ आशीर्वादाच्या शुभेच्छांचा वर्षाव करून पुढील वाटचालीस हार्दिक शुभेच्छा दिल्या आहेत.
