गंभीर जखमी झालेल्या कोरेगावच्या विद्यार्थ्याचा उपचारादरम्यान मृत्यू.. – देसाईगंज तालुक्याच्या कसारी-कोरेगाव मार्गावर झाला होता अपघात..

देसाईगंज(गडचिरोली):-देसाईगंज तालुक्याच्या कोरेगाव येथील २७ वर्षीय देवेंद्र पुरुषोत्तम पुराम व १७ वर्षीय सुजल सुरेश आळे हे दोघेही दुचाकीने शनिवार १० मे रोजी कसारी येथे लग्नसमारंभ कार्यक्रमास गेले होते.लग्न समारंभ आटोपले व सायंकाळच्या सुमारास कोरेगाव येथे दुचाकीने जाण्यास निघाले.दुचाकीने जात असतांना कसारी- कोरगाव मार्गावर अज्ञात वाहनाने त्यांच्या दुचाकीला जोरदार धडक दिली.धडक इतकी भीषण होती की, देवेंद्र पुराम याचा घटनास्थळीच मृत्यू झाला होता.तर सुजल आळे हा गंभीर जखमी झाला होता.त्याची प्रकृती चिंताजनक असल्याने त्याला नागपूर येथे उपचारार्थ हलविण्यात आले होते.तीन दिवस उपचार सुरू असतांनाच काल मंगळवारी सुजल आळे याचा

उपचारादरम्यान मृत्यू झाला.सुजल हा कोरेगाव येथील किसान विद्यालयाचा अकरावीचा विद्यार्थी होता.लग्न सोहळा हा दोघांच्या मृत्यूस केवळ नाममात्र ठरल्याने गावात शोककळा पसरली आहे.