खाजगी शिकवणी वर्ग चालविणाऱ्या तरुणीने घरीच घेतला गळफास..

भंडारा :-खाजगी शिकवणी वर्ग चालविणाऱ्या २६ वर्षीय तरुणीने घरातच गळफास लावून आत्महत्या केल्याची घटना काल,शुक्रवारी २० डिसेंबरच्या सकाळी साडे अकरा वाजताच्या सुमारास भंडारा तालुक्याच्या जवाहनगरनगर पेट्रोल पंप येथील हनुमान वॉर्डात घडली.स्विटी उर्फ शिवानी नाना पाटील वय २६ वर्षे असे आत्महत्या करणाऱ्या तरुणीचे नाव आहे.शिवानी ही सुशिक्षित तरुणी होती.ती घरीच खाजगी शिकवणी वर्ग चालवीत होती.घटना घडली तेव्हा शिवानी ही घरी एकटीच होती.घटनेच्या दिवशी शिवानीचा लहान बहिणीशी क्षुल्लक वाद झाल्याने शिवानीने घरी कोणीही नसतांना आत्महत्येसारखे टोकाचे पाऊल उचलले आहे.

लहान बहीण व वडील सकाळी नागपूर येथे गेले होते. तर आई रोजंदारीवर कामाला गेली होती.सदर घटनेची नोंद जवाहरनगर पोलिस ठाण्यात करण्यात आली असून पुढील तपास ठाणेदार सुधीर बोरकुटे यांच्या मार्गदर्शनात पोलीस हवालदार गिरीश बोरकर करीत आहेत.