कुरुड येथे डांबरीकरण रस्त्याचे आमदार कृष्णा गजबे यांच्या हस्ते भूमिपूजन…-कुरुड वासियांचा मार्ग होणार सुकर..

देसाईगंज(गडचिरोली):-देसाईगंज तालुका मुख्यालयापासून उत्तरेस गडचिरोली मार्गे चार किलोमीटर अंतरावर असलेल्या कुरुड गावामध्ये प्रस्थान होणाऱ्या मुख्य मार्गावरील डांबरीकरण रस्त्याचे आज,शुक्रवार दिनांक-२० सप्टेंबरला आरमोरी विधानसभा क्षेत्राचे आमदार कृष्णा गजबे यांच्या हस्ते मान्यवरांच्या प्रमुख उपस्थितीत भूमिपूजन सोहळा पार पडला.

कित्तेक दिवसांपासून कुरुड गावामध्ये प्रस्थान होणाऱ्या मुख्य रस्त्याची दुरावस्था झाली होती.कुरुड गावापासून तालुका मुख्यालय अवघ्या चार किलोमीटर अंतरावर असून गावातील नागरिकांना विविध कामांकरिता तालुका मुख्यालय गाठावे लागते. अशातच रस्त्याची दयनीय अवस्था झाल्याने गावातील तसेच परिसरातील नागरिकांना आवागमन करण्यास कमालीचा त्रास सहन करावा लागत होता.सदरची बाब आरमोरी विधानसभा क्षेत्राचे आमदार कृष्णा गजबे यांच्या लक्षात येताच; त्यांनी जिल्हा परिषद बांधकाम विभागास अवगत करून तात्काळ कुरुड गावातील रस्त्याचे डांबरीकरण करण्याचे निर्देश दिले होते.त्यानुसार जिल्हा परिषद बांधकाम विभागाने गजबे यांच्या मागणीची दखल घेत कुरुड गावातील ऍप्रोज रस्त्याचे डांबरीकरण करण्यास मंजुरी देत आज शुक्रवारी आमदार कृष्णा गजबे यांच्या हस्ते भूमिपूजन करून कामास सुरुवात करण्यात आली.कुरुड गावातील मुख्य रस्त्याचे भूमिपूजन करून काम सुरू करण्यात आल्याने आवागमन करण्यास सदर मार्ग सुकर होणार असल्याने आमदार कृष्णा गजबे यांचे गावकरी तसेच परिसरातील नागरिकांनी आभार मानले आहे.

याप्रसंगी भूमिपूजनाला विधानसभा क्षेत्राचे आमदार कृष्णा गजबे,भाजपा देसाईगंज तालुकाध्यक्ष सुनील पारधी,कुरूड ग्रा.पं.सरपंचा प्रशालाताई गेडाम, उपसरपंच क्षितीज उके,देसाईगंज पं.स.माजी उपसभापती अर्चनाताई ढोरे,ग्रा.प.सदस्य शंकर पारधी, ग्रा.पं.सदस्य अविनाश गेडाम,ग्रा.पं.सदस्य विलास पिलारे,ग्रा.पं.सदस्य पलटू दास मडावी, ग्रा.पं.सदस्या रेखाताई मडावी, ग्रा.पं.सदस्या प्रतिमा उके, परसराम निमजे,सदानंद ठाकरे,रमेश ठाकरे,रामचंद्र ठाकरे,दादाजी नाकतोडे,श्रीराम चौधरी,अरुण राऊत, भरत ढोरे,अखिल निसार,विकास पारधी,मनोज दोनाडकर,प्रदीप उरकुडे, शेषराव फटिंग, उमेश ढोरे, अरुण आठवले, डाकराम आठवले,नामदेव मिसार, किशोर ढोंगे,आदित्य मिसार व कुरुड येथील शेकडो नागरिक उपस्थित होते.