एका इसमास वाघाने उचलून नेल्याचा व्हिडिओ ‘बनावट’.. – वन विभागाचा खुलासा..

चंद्रपूर :-सध्या सोशल मीडियावर एक इसम घराच्या आवारात बसलेला असतांनाच त्या ठिकाणी अचानकपणे वाघ येऊन त्याला जबड्यात घेऊन उचलून नेत असल्याचा व्हिडिओ मोठ्या प्रमाणावर व्हायरल होत आहे.यामुळे अनेकांच्या मनात धडकी भरली आहे. काहींनी सदरची घटना चंद्रपूर जिल्ह्याच्या ब्रम्हपुरी वनविभागाच्या वनविश्रामगृहातील म्हटल्याने सर्वत्र भीतीचे वातावरण निर्माण झाले आहे.अश्यातच आता व्हायरल व्हिडिओवर वन विभागाच्या वतीने खुलासा सादर करण्यात आला आहे.चंद्रपूर वन वृत्ताचे मुख्य वनसंरक्षक आर.एम.रामानुजम यांनी प्रतिक्रिया देत सदरचा व्हिडीओ हा एआय(AI) जनरेटेड म्हणजेच कृत्रिम बुद्धिमत्ता तंत्रज्ञानाचा वापर करून तयार करण्यात आला असल्याचे स्पष्ट केले आहे.सदरचा व्हिडिओ हा बनावट असून वनविभागात अशा प्रकारची कुठलीही घटना घडलेली नाही.काही समाजकंटकांनी जनतेमध्ये दहशत निर्माण करण्याचा प्रयत्न केला असल्याने बनावट व्हिडीओ तयार करणारे तसेच पोस्ट करणाऱ्यांविरोधात पोलीस ठाण्यात गुन्हे दाखल करण्यात येणार,असे म्हटले आहे.नागरिकांनी अफवा पसरविणाऱ्या घटनांवर आधारीत व्हिडीओंवर विश्वास ठेवू नये,असेही आवाहन वन विभागाच्या वतीने करण्यात आले आहे.

• व्हिडिओ👇