उद्रेक न्युज वृत्त
चंद्रपूर :- मूल तहसील ते हायवापर्यंत रेती वाहतुकीस बंदी घालण्याचा जिल्हाधिकाऱ्यांचा आदेश आहे. या आदेशाकडे दुर्लक्ष करून मूल तहसीलच्या उमा नदीपात्रातून पोकलेनच्या साहाय्याने रात्रीच्या वेळी नदीतील वाळू उपसा करण्याचे काम सुरू होते.रात्री अवैध रेती वाहतूक करणारा हायवा ट्रक मूलचे उपविभागीय अधिकारी विशालकुमार मेश्राम यांनी पकडला.
सदर परिसरातून नियमित रेती तस्करी होत असल्याने स्थानिकांना त्रास सहन करावा लागत होता. मिळालेल्या गुप्त माहितीच्या आधारे महसूल विभागाचे उपविभागीय अधिकारी,अधिकारी व कर्मचाऱ्यांनी सापळा रचून रेती भरलेला हायवा ट्रक जप्त केला व वाहतूक करणाऱ्या मालकाकडून तत्काळ ३ लाख २५ हजारांचा दंड वसूल केला.रेतीचे एमएच ३३_४४८५ क्रमांकाचे वाहन मूल प्रशासकीय इमारतीसमोर जमा करण्यात आले आहे. यावेळी पथकातील नायब तहसीलदार राम नैताम, तुंकलवार,विशाल जिदगीलवार,महसूल विभागाचे प्रवीण गेडाम उपस्थित होते.
