उद्रेक न्युज वृत्त
चंद्रपूर :- ब्रम्हपुरी तालुक्यातील उदापूर येथील रहिवासी असलेले,विदर्भ कोंकण ग्रामीण बॅंक शाखा वडसा चे कर्मचारी तसेच संत कबीर फिल्म प्रोडक्शन नागपूर चित्रपट दिग्दर्शक आशिष अशोक नागदेवते यांना नुकतेच साहित्य आणि चित्रपट क्षेत्रातील कार्याकरिता जागतिक स्तरावरील ग्लोबल इंटरनॅशनल फाऊंडेशन टीम दिल्ली द्वारे नागपूर येथे सन्मानित करण्यात आले.कार्यक्रम प्रसंगी राॅयल गोंडवाना संस्थेचे संचालक नंदलाल चौधरी,ग्लोबल इंटरनॅशनल फाऊंडेशनच्या संस्थापक अध्यक्षा मनिषा ठाकरे, महाराष्ट्र विद्यार्थी परिषद अध्यक्षा माधुरी पालीवाल, आमदार नामदेव ससाणे, बाल कल्याण विकास अधिकारी मुस्ताक पठाण यांच्या हस्ते आशिष नागदेवते यांना सन्मानित करण्यात आले.
ग्लोबल इंटरनॅशनल फाऊंडेशन ही संस्था भारतासह जगभरातील १४ देशांमध्ये कार्यरत आहे.नुकतेच नागपूर येथे संस्थेच्या चौथ्या वर्धापन दिना निमित्त सामाजिक क्षेत्रामध्ये उल्लेखनीय कामगिरीबद्दल साहित्यिक तथा चित्रपट दिग्दर्शक आशिष नागदेवते यांना आंतरराष्ट्रीय गौरव अभिमान पुरस्कार २०२३-२४ ने सन्मानित करण्यात आले. सत्कारप्रसंगी आई निलेश्वरी नागदेवते,सुप्रसिद्ध चित्रपट दिग्दर्शक नागेश वाहुरवाघ,चित्रपट अभिनेते सुरेंद्र मेश्राम उपस्थित होते.आशिष नागदेवते यांनी मागील दहा वर्षांपासून विविध विषयांवर लेखन केले असून त्यांच्या लेखनातून समाजाला चालना देण्याचे काम केले आहे.तसेच चित्रपट क्षेत्रामध्ये सुद्धा ते दिग्दर्शक व सहाय्यक दिग्दर्शक म्हणून कार्यरत आहेत.नुकतेच त्यांची श्रीलंका येथे तयार होणाऱ्या नागेश वाहुरवाघ दिग्दर्शित ‘दी लाॅर्ड बुद्धा’ चित्रपटाकरिता सहायक दिग्दर्शक म्हणून त्यांची निवड झाली आहे.त्यांच्या या उल्लेखनीय कार्याबद्दल नातेवाईक, मित्रमंडळी व राज्यभरातून शुभेच्छांचा वर्षाव होत आहे.
