कृषी विभागातील तब्बल १४ हजार ४४५ तांत्रिक अधिकारी व कर्मचाऱ्यांकडून दुष्काळग्रस्तांना एक दिवसांचे वेतन..

उद्रेक न्युज वृत्त :-निसर्गाच्या लहरीपणाचा नेहमीच शेतकरी बांधवांना फटका सहन करावा लागतो आहे. कधी अवकाळी पाऊस,तर कधी किडीचा प्रादुर्भाव,तर कधी ऐन हंगामात धो-धो पावसामुळे शेतीचे नुकसान होतांना दिसून येते.अश्यातच यंदा अल्प पर्जन्यमान व पावसाच्या खंडामुळे महाराष्ट्र राज्यावर कोरडा दुष्काळाचे संकट आहे.अशा परिस्थितीत राज्यातील शेतकरी बांधवांसमोर निर्माण होणाऱ्या संभाव्य संकटाच्या काळात त्यांना मदतीचा हात देण्याच्या सामाजिक भावनेतून कृषी विभागात कार्यरत एकूण १८ हजार ६२२ पदांपैकी महाराष्ट्र राज्य कृषी सेवा महासंघ, पुणे तसेच महासंघातील संलग्न सर्व तांत्रिक अधिकारी व कर्मचारी संघटनांमध्ये असलेल्या तांत्रिक संवर्गातील एकूण १४ हजार ४४५ अधिकारी व कर्मचारी यांनी एक दिवसाचे वेतन मुख्यमंत्री सहाय्यता निधीस देण्याचा निर्णय घेतला आहे.याबाबत नुकतेच राज्याचे मुख्यमंत्री देवेंद्र फडणवीस यांना महाराष्ट्र राज्य कृषी सेवा महासंघ, पुणेचे अध्यक्ष बाबासाहेब जेजुरकर यांनी पत्र पाठवले आहे.