आमदार रामदास मसराम यांच्या हस्ते ‘देसाईगंज शेतकी खरेदी-विक्री’ धान्य खरेदी केंद्राचे उद्घाटन..

देसाईगंज(गडचिरोली):-आरमोरी विधानसभा क्षेत्राचे आमदार रामदास मसराम यांच्या हस्ते आज,गुरुवार १२ डिसेंबरला दुपारच्या सुमारास कुरुड बसस्थानक नजिक असलेल्या ‘देसाईगंज शेतकी खरेदी-विक्री’ धान्य खरेदी केंद्राचे उद्घाटन करण्यात आले.

‘देसाईगंज शेतकी खरेदी-विक्री’ धान्य खरेदी केंद्राचे उद्घाटन प्रसंगी नवनिर्वाचित आमदार रामदास मसराम यांचे संस्थेचे पदाधिकारी तथा उपस्थित मान्यवरांच्या हस्ते शाल,श्रीफळ आणि पुष्पगुच्छ देऊन सत्कार करण्यात आला.त्यानंतर आमदार मसराम यांनी वजन काट्याची विधिवत पूजा करून धान्य खरेदी केंद्राचे उद्घाटन केले.प्रसंगी आमदार मसराम यांनी संस्थेच्या पदाधिकाऱ्यांना शेतकरी बांधवांच्या समस्या तथा तक्रारीचे निवारण तात्काळ करून सहकार्य करण्याचे आवाहन केले.

धान्य खरेदी केंद्राचे उद्घाटन प्रसंगी आमदार रामदास मसराम,जिल्हा पणन अधिकारी तीवाडे,देसाईगंज माजी पंचायत समिती सभापती परसराम टिकले, माजी पंचायत समिती उपसभापती नितीन राऊत, कृषी उत्पन्न बाजार समितीचे शाखाप्रमुख पुरुषोत्तम दुपारे,संस्थेचे अध्यक्ष अण्णाजी तुपट,उपाध्यक्ष लईराम तीतीरमारे,व्यवस्थापक तलमले,संचालक संजय पत्रे, घनश्याम टिकले,ग्रेडर ज्ञानेश्वर बुल्ले सह तालुक्यातील बहुसंख्य शेतकरी बांधव उपस्थित होते.