आता परदेश यात्रेची गोपनीयता येणार संपुष्टात.. – आंतरराष्ट्रीय प्रवाशांचे १९ प्रकारचे वैयक्तीक तपशील सरकारला देणे अनिवार्य..

नवी दिल्ली :-आता परदेश यात्रेची गोपनीयता संपणार आहे.कोण-कुठे प्रवास करतात,कोणासोबत प्रवास करतात आणि तिकीटासंबंधीची संपूर्ण माहिती सरकारकडे उपलब्ध असणार आहे.विमान कंपन्यांना आंतरराष्ट्रीय प्रवाशांचे १९ प्रकारचे वैयक्तीक तपशील सरकारला देणे अनिवार्य करण्यात आले आहे.या नियमाची अंमलबजावणी १ एप्रिल २०२५ पासून सुरु होणार आहे.परदेशात जाणारे प्रवासी कसे,कधी आणि कुठे प्रवास करीत आहेत.कोणाच्या पैशावर प्रवास करणार,अशा प्रकारची माहिती सरकारसोबत सामायिक करणे आवश्यक आहे.विमान कंपन्यांना ही माहिती देण्याचे निर्देश देण्यात आले आहेत.डेटा शेअरिंग ब्रिजच्या या प्रणालीचे नियम २०२२ पासून अस्तित्वात असतांना,आता १ एप्रिल २०२५ पासून सर्व विमान कंपन्यांना प्रवासी माहिती सीमा शुल्क विभागासोबत सामायिक करणे अनिवार्य करण्याचा प्रस्ताव आहे. काँग्रेस नेते राहुल गांधी यांच्या परदेश यात्रेसंबंधी नेहमी चर्चा होत असते.ते कुठे जातात, कोणाला भेटतात ? यावरुन भाजपकडून टीका केली जाते.मात्र,त्यांच्या दौऱ्यांची माहिती गोपनीय राहत असते.मात्र,आता ही गोपनीयता संपुष्टात येणार आहे.