अन् ३ हजार नाभिकांनी दाढी,कटिंगला हात न लावता केली ‘हजामतबंदी’…

नाभिक समाज हा अल्पसंख्यांक असून; आर्थिक दृष्ट्या मागास आहे.सर्वांना स्वच्छ व निरोगी ठेवण्यासाठी केश कर्तनालयाचा व्यवसाय करतो. तरीपण कोणत्याही राजकीय पक्षाच्या सरकारने समाजाच्या मागण्या मंजूर न केल्यामुळे अखेर ३० सप्टेंबरला गोंदिया जिल्ह्यातील सुमारे ३ हजार सलून दुकाने बंद ठेवण्यात आले.अनेक वर्षांपासून जवळपास सर्वच राजकीय पक्षातील नेते मंडळींना नाभिक समाजाच्या मागण्यांचे अनेक निवेदने दिली आहेत.यात नाभिक समाज हा आर्थिक दृष्ट्या मागास असून,सर्वांना स्वच्छ व निरोगी ठेवण्यासाठी केश कर्तनालयाचा व्यवसाय करीत आहे.त्यामुळे अनुसूचित जातीच्या सवलती मिळण्यासाठी तसेच व्यवसायात भरपूर वाढ होण्यासाठी संत सेनाजी महाराज केश शिल्पी महामंडळ कार्यान्वित करुन,दोनशे कोटींची आर्थिक रुपात तरतूद करणे; अशा विविध मागण्यांचे अनेक निवेदने देण्यात आले आहेत.परंतू,आजपर्यंत महाराष्ट्रातील कोणत्याही राजकीय पक्षाच्या सरकारकडून मागण्या मंजूर करण्यात आल्या नाहीत.