उद्रेक न्युज वृत्त
चिमूर(चंद्रपूर) :- चिमूर पंचायत समिती अंतर्गत येणाऱ्या खडसंगी जवळील गट ग्रामपंचायत शिवापूर (बंदर),ग्राम पंचायतीमध्ये शुक्रवारी दि.१४ जून रोजी ग्रामसभेचे आयोजन करण्यात आले होते.यावेळी राष्ट्रीय महामार्गाचे काम करणाऱ्या केसीसी कंपनीला दिल्या जाणाऱ्या पाण्यावरून प्रश्न विचारणाऱ्या ग्रामस्थाला महिला ग्रामसेवक यांनी मारहाण केल्याची घटना घडली.या घटनेचे चित्रीकरण करणाऱ्या युवकालाही ग्रामसेवकांनी मारहाण केल्याने वातावरण चांगलेच तापले.अखेरीस ग्रामसेवक,ग्रामपंचायत कमिटी व मारहाण झालेले तन्मय मेश्राम यांनी ठाणेदार संतोष बाकल यांच्या मार्गदर्शनात एकमेकाबद्दल दिलगिरी व्यक्त करून, झालेल्या प्रकरणाबाबत एकमेकांना लेखी माफीनामा लिहून दिल्याने वादावर अखेर पडदा पडला.
ग्रामसभेत केसीसीला दिल्या जाणाऱ्या पाण्याचा विषयावर गदारोळ झाला.ग्रामपंचायत सचिव यांनी सहा महिने होऊन सुद्धा पारित ठरावानुसार केसीसी कंपनीला नोटीस बजावली नाही; अशी माहिती ग्रामपंचायत सदस्यांनी दिली.केसीसी कंपनीला कोणत्या आधारावर पाणी देत आहात व त्याबाबत असलेले पत्र ग्रामपंचायत ग्रामसेविका ग्रामसभासद तन्मय मेश्राम यांनी विचारणा केली.यावेळी महिला सचिव प्रतिभा कन्नाके यांनी तन्मय मेश्राम याला मारहाण केली.दरम्यान झरी (मांगरुड) येथील युवक रोशन बावणे हा ग्रामसभेचे व्हिडिओ घेणा-या रोशन बावणे या युवकाला सुद्धा भर ग्रामसभेत मारहाण केली.याप्रकरणी पोलिस घटनास्थळी दाखल होऊन दोघांकडून बयाण नोंदवून घेतले.
दरम्यान सायंकाळीं ६ वाजताच्या दरम्यान चिमूर पोलिस स्टेशनला ग्रामपंचायत ग्रामसेविकासह ग्रामपंचायत कमिटी व मारहाण झालेले तन्मय मेश्राम दोघेपण जाऊन यावेळी ठाणेदार संतोष बाकल यांच्या मार्गदर्शनात एकमेकाबद्दल दिलगिरी व्यक्त करून, लेखी माफीनामा लिहून दिला.शिवाय या दरम्यान झालेल्या घटनेबाबत दिलगिरी व्यक्त करीत पत्रकार परिषदेत एकमेकांची माफी मागितल्याचे त्यांनी सांगितले.
