३५ वर्षीय तरुणाचे अल्पवयीन मुलीशी लग्न; मुलगी गर्भवती.. – तरुणावर पॉक्सो कायद्यानुसार गुन्हा दाखल..

भंडारा :-जिल्ह्याच्या लाखनी तालुक्यातील पिंपळगाव येथील एका ३५ वर्षीय तरुणाने अल्पवयीन मुलीला प्रेमाच्या जाळ्यात ओढून लग्न केले.लग्नानंतर पिडीत अल्पवयीन मुलगी ३७ आठवडे,६ दिवसांची गर्भवती असल्याचे वैद्यकीय तपासात उघड झाले. अल्पवयीन मुलगी गभर्वती राहिल्याने तिच्यावर लैंगिक अत्याचार केल्याप्रकरणी लाखनी पोलिसांनी प्रदुम्न हरीचंद्र वरठे वय ३५ वर्षे,रा.पिंपळगाव  याच्याविरुद्ध पॉक्सो कायद्यानुसार गुन्हा दाखल केला आहे. माहितीनुसार,प्रदुम्न वरठे याने पीडित अल्पवयीन मुलीसोबत १७ फेब्रुवारी २०२४ ते सप्टेंबर २०२४ या कालावधीत शरीरसंबंध ठेवले.त्यातून ही पीडिता ३७ आठवडे,६ दिवसांची गर्भवती असल्याचे वैद्यकीय तपासणीत स्पष्ट झाले असून सध्या पीडितेवर भंडारा येथील सामान्य रुग्णालयात उपचार सुरू आहेत.या प्रकरणी लाखनी पोलिस ठाण्यात भारतीय न्याय संहिता अंतर्गत कलम ६४(२)(१) आणि पॉक्सो कायद्याच्या कलम ४ व ६ अन्वये गुन्हा दाखल करण्यात आला आहे.प्रकरणाचा पुढील तपास सहाय्यक पोलिस निरीक्षक आशिष चिलांगे यांच्या मार्गदर्शनाखाली सुरू आहे.