सलग २४ तास हस्तलेखनाचा अनोखा राष्ट्रीय विक्रम.. चंद्रपूरच्या वैष्णवी मांडवकरची ‘इंडिया बुक ऑफ रेकॉर्ड्स’मध्ये नोंद..

चंद्रपूर :-चंद्रपूरची गुणी कन्या वैष्णवी विश्र्वंभर मांडवकर हिने सलग २४ तास अखंड हस्तलेखन (Handwriting)करून ‘सांगितिक वारसा आणि कौटुंबिक प्रवास’ हे ८३ पानांचे हस्तलिखित पुस्तक पूर्ण करत ‘इंडिया बुक ऑफ रेकॉर्ड्स’ (India Book of Records)मध्ये आपली अधिकृत नोंद केली आहे. नुकतेच तिला राष्ट्रीय स्तरावरील अधिकृत सुवर्ण पदक(Medal),प्रमाणपत्र(Certificate)आणि सन्मानचिन्ह देऊन गौरविण्यात आले.

• संगीताची परंपरा आणि शैक्षणिक यश👇

वैष्णवी ही ऑल इंडिया रेडिओ(आकाशवाणी नागपूर) ची मान्यताप्राप्त ‘बी-ग्रेड’ सुगम संगीत कलाकार आहे. तिने संगीतात विशारद पदवी प्राप्त केली असून, गोंडवाना विद्यापीठातून पदवी परीक्षेत ‘सुवर्णपदक’ (Gold Medal)मिळवून विशेष प्राविण्य संपादन केले आहे.तिला संगीताचे प्राथमिक व बहुमूल्य ज्ञान तिचे काका दिलीप मांडवकर यांच्याकडून लाभले.

• कौटुंबिक पाठबळ व प्रोत्साहन👇

२४ तासांच्या या कठीण आणि आव्हानात्मक प्रवासात तिचे वडील विश्र्वंभर मांडवकर,आई माधुरी मांडवकर आणि भाऊ कार्तिक मांडवकर यांनी सातत्याने सोबत राहून मोलाचे प्रोत्साहन व ऊर्जा दिली.आई-वडील,भाऊ आणि संपूर्ण मांडवकर परिवाराच्या खंबीर पाठबळामुळेच हे अभूतपूर्व यश साध्य करणे शक्य झाले असल्याचे वैष्णवीने सांगितले.तिच्या या अद्वितीय कामगिरीबद्दल आणि राष्ट्रीय विक्रमाबद्दल एफइएस संस्था,शिक्षकवृंद, संगीत क्षेत्रातून तसेच संपूर्ण चंद्रपूर जिल्ह्यातून तिच्यावर कौतुकाचा व अभिनंदनाचा वर्षाव होत आहे.