बदमाश जावयाने सासऱ्याच्या छातीमध्ये भोसकला चाकू; छातीमध्ये रूतलेल्या चाकूसह गाठले रुग्णालय..

भंडारा :-जिल्ह्याच्या लाखांदूर तालुक्यातून एक धक्कादायक घटना समोर आली आहे.एका ३५ वर्षीय पुतणजावयाने सासऱ्यावर जीवघेणा चाकू हल्ला करून गंभीर जखमी केल्याची घटना काल शनिवारच्या सायंकाळी साडेसहा वाजेच्या सुमारास लाखांदूर तालुक्यातील मडेघाट येथे घडली.जावयाने जीवघेणा चाकू हल्ला केल्यानंतर सासऱ्याच्या छातीमध्ये भोसकलेला चाकू शरीरातच सोडून घटनास्थळावरून पळ काढला.दरम्यान,ग्रामस्थांच्या मदतीने जखमी सासऱ्याने छातीमध्ये रूतलेल्या चाकूसह लाखांदूर ग्रामीण रुग्णालय गाठले.तेथील डॉक्टरांनी प्राथमिक उपचार करून प्रकृती गंभीर असल्याने पुढील उपचारार्थ भंडारा जिल्हा सामान्य रुग्णालयात हलवले.राहुल राऊत वय ३५ वर्षे, रा.खालापूर,हल्ली मुक्काम-खैरणा,ता.लाखांदूर असे चाकूहल्ला करणाऱ्या आरोपी जावयाचे नाव आहे.तर दीपचंद केवळराम ढोरे वय ४५ वर्षे, रा.मडेघाट,ता.लाखांदूर,जि.भंडारा असे चाकू हल्ल्यात गंभीर जखमी झालेल्या सासऱ्याचे नाव आहे. आरोपी राहुल याच्या पत्नीचा लग्नानंतर दोन वर्षातच मृत्यू झाला होता.दरम्यान,मृत पत्नीच्या वाट्याला येणारी शेतजमीन मला द्यावी,या मागणीला घेऊन त्याने सासऱ्यावर जीवघेणा चाकू हल्ला केल्याचे समोर आले आहे.