पॉलिसीचे मासिक हप्ते थकित म्हणून मृत्यूपश्चात मिळणारा लाभ विमा कंपनीला नाकारता येणार नाही… – विमा कंपनीला ग्राहक तक्रार निवारण आयोगाचा दणका..

भंडारा :-एखाद्या व्यक्तीचे काही कारणास्त विमा पॉलिसीचे मासिक हप्ते थकित असल्यास मृत्यूपश्चात मिळणारा लाभ विमा कंपनीला नाकारता येणार नाही. संबंधित व्यक्तीच्या वारसांना मृतकाच्या पॉलिसीचा संपूर्ण लाभ द्यावा; असे आदेश भंडारा जिल्हा ग्राहक तक्रार निवारण आयोगाने दिले आहे.या निर्णयाने विमा कंपनीला चांगलीस चपराक बसली आहे.तक्रारकर्त्या रुपाली भुदेव रेहपाडे यांचे पती मृत भुदेव रेहपाडे हे पाटबंधारे विभागात कार्यरत होते.दरम्यान,२७ फेब्रुवारी २०२१ रोजी कोवीड १९ च्या प्रादुर्भावाने निधन झाले.मृत भुदेव रेहपाडे यांनी भारतीय जीवन विमा निगम भंडारातर्फे आधारस्तंभ नावाची पॉलिसी काढली होती व सदर पॉलिसीचे मासिक हप्ते हे त्यांच्या शासकीय कार्यालयातून मिळणाऱ्या पगारातून कपात करण्यात येत होते.दरम्यान,काही कारणास्तव मृतकाचे एप्रिल,मे व जून या तीन महिन्याचे विमा पॉलिसीचे मासिक हप्ते थकीत झाले होते.तर जुलैपासून विमा पॉलिसीचे मासिक हप्ते नियमित भरण्यात आले.भुदेव रेहपाडे यांच्या मृत्यूपश्चात त्यांची पत्नी रुपाली भुदेव रेहपाडे यांनी विमा पॉलिसीचा लाभ मिळण्याबाबत भारतीय विमा निगम कार्यालय भंडाराकडे अर्ज सादर केला असता, मृतकाच्या पॉलिसीचे तीन मासिक हप्ते थकीत असल्याचे कारण पुढे करून रूपाली भुदेव रेहपाडे यांना मृत्यूपश्चात पॉलीसीचा लाभ देण्यास नकार दिला.रुपाली भुदेव रेहपाडे यांनी याप्रकरणी भंडारा जिल्हा ग्राहक तक्रार निवारण आयोगाकडे तक्रार केली.ग्राहक मंचाने याप्रकरणी सर्व लेखी पुरावे व बयाण नोंदवून घेत किस्त थकीत असल्याने पॉलीसी लाभार्थ्यांच्या मृत्यूपश्चात त्यांच्या कुटुंबीयांना लाभ नाकारणे,हे चुकीचे असून भारतीय विमा निगम कार्यालयाने भुदेव रेहपाडे यांच्या मृत्यूपश्चात त्यांच्या कुटुंबीयांना विमा पॉलीसीचा संपूर्ण लाभ देण्याचे आदेश दिले.त्यासोबतच त्या लाभामधून मृतकाचे थकीत असलेले तीन मासिक किस्त वजा करण्याचे आदेश ग्राहक मंचाचे अध्यक्ष सतीश आ.सप्रे,गणपुत,सदस्या जयश्री बु.गोपनारायण व सदस्य पराग मो. सुभेदार यांनी दिले.तक्रारकर्त्यातर्फे ॲड.सुखदेवसिंह चौहान,ॲड.संतोषसिंह एस.चौहान, ॲड.शैलेंद्रसिह एस.चौहान व ॲड.जयदेवसिंह एस.चौहान यांनी बाजु मांडली.