चुडाराम बल्हारपुरे यांच्या ‘जत्रा घडली नागोबाची’ या लोकनाट्यास सातारा येथील पुरस्कार जाहीर.. -यंदाचा सहावा पुरस्कार..

गडचिरोली :-स्पंदन चॅरिटेबल ट्रस्ट,डाकेवाडी(जि. सातारा)या संस्थेतर्फे दरवर्षी मराठी साहित्यिकांसाठी उत्कृष्ट वाड्.मय स्पर्धा घेण्यात येते व पुरस्कारप्राप्त साहित्यिकांना स्पंदनच्या वार्षिक साहित्य संमेलनात उत्कृष्ट साहित्यिक पुरस्काराने सन्मानित करण्यात येते.राष्ट्रीय स्तरावर अत्यंत मानाचा समजला जाणाऱ्या या पुरस्काराकरीता मराठी साहित्य प्रकारात झाडीपट्टीतील नाटककार चुडाराम बल्हारपुरे यांच्या मधुश्री पुणे प्रकाशित ‘जत्रा घडली नागोबाची ‘ या लोकनाट्यास यंदाचे नाट्यलेखनाचे स्व.राजाराम डाकवे(तात्या)साहित्य पुरस्कार जाहीर करण्यात आल्याचे स्पंदन चॅरिटेबल ट्रस्टचे अध्यक्ष व संस्थापक डॉ.संदीप डाकवे,उपाध्यक्ष आप्पासाहेब निवडूंगे व सचिव रेश्मा डाकवे यांनी कळविले असून सातारा जिल्ह्यातील पाटण तालुक्यातील,मौजा-डाकेवाडी(काळगाव)येथे येत्या,सोमवार २८ सप्टेंबर २०२६ रोजी सकाळी ११ वाजता होणाऱ्या साहित्य संमेलनात हा पुरस्कार प्रदान करण्यात येणार आहे.या पुरस्काराचे स्वरूप रोख रक्कम,सन्मानचिन्ह, सन्मान वस्त्र,व सन्मानपत्र असे आहे.

विशेष म्हणजे,या नाटकास यापूर्वी साहित्य विहार संस्था,नागपूर यांचा डॉ.प्रज्ञा निनावे पुरस्कृत उत्कृष्ट नाट्यलेखन पुरस्कार-२०२५,(२)अ.भा‌.मातोश्री जिजाऊ परिवर्तन सामाजिक शिक्षण संस्था,गोंदिया यांचे नटसम्राट पुरस्कार-२०२६,(३)यशदा पुणे,संवाद पुणे,पुणे महानगर पालिका व मराठी भाषा संवर्धन समिती,पुणे यांचे उत्कृष्ट साहित्यकृती पुरस्कार-२०२६.(४)शिवांजली साहित्यपीठ,चाळकवाडी(ता. जुन्नर,जि.पुणे)यांचा स्व.सयाजी चाळक स्मृती उत्कृष्ट नाट्यलेखन पुरस्कार-२०२६ व (५)महाराष्ट्र साहित्य परिषद,शाखा-दामाजीनगर यांचा शहिद राजकुमार ठोंबरे स्मृती उत्कृष्ट नाट्यलेखन पुरस्कार-२०२६ असे पाच पुरस्कार प्राप्त झाले असून यंदाचा हा सहावा पुरस्कार आहे.

चुडाराम बल्हारपुरे यांच्या या यशाबद्दल सत्यवान मंडलीक(साहित्यिक),प्रा.अरुण बुरे,योगेश गोहणे,यादव गव्हाणे,प्रा.डॉ.श्याम मोहरकर,प्रा.डॉ.जनबंधू मेश्राम, प्रा.डॉ.योगीराज नगराळे,नाट्यश्रीचे दादा चुधरी, दिलीप मेश्राम,राजेंद्र जरुरकर,डॉ.दिपक चौधरी,रमेश निखारे, मधुश्री प्रकाशनचे पराग लोणकर(प्रकाशक),

नाट्यश्री तसेच झाडीपट्टीचे कवी,साहित्यिक व कलावंतांनी त्यांचे अभिनंदन केले आहे.