उद्रेक न्युज वृत्त
चंद्रपूर :- सक्षम कुष्ठांतेय स्वाभिमानी संस्था,नागभिडच्या वतीने गडचिरोली व चंद्रपूर जिल्ह्यासह दिनांक- ५ डिसेंबर हा कुष्ठांतेय सक्षमीकरण दिन आणि वार्षिक स्नेहमिलन व संवाद समारंभ नागभीड येथे उत्साहात साजरा करण्यात आला.कुष्ठांतेय सक्षमीकरण दिनाचे औचित्याने कुष्ठांतेयाच्या समस्या सोडविण्यासाठी समस्या निवारण केंद्राचे उदघाटन करण्यात आले.सक्षम कुष्ठांतेय स्वाभिमानी संस्थेच्या आर्थिक मदतीने ज्या कुष्ठांतेयांनी आपले व्यवसाय सुरु करून यशस्वीपणे वाटचाल केली; अशा कुष्ठांतेयाचे सक्षम कुष्ठांतेय स्वाभिमानी संस्थेच्या वतीने शिल्ड,श्रीफळ व पुष्पगुच्च देऊन सत्कार करण्यात आले.तसेच नंदुरबार या कुष्ठबहुल आदिवासी जिल्ह्यात २०२३ मध्ये कुष्ठांतेयांना संघटीत करून स्थापन झालेल्या नंदुरबार जिल्हा कुष्ठांतेय फोरमला सक्षम कुष्ठांतेय स्वाभिमानी संस्थेची नंदुरबार जिल्हा शाखा म्हणून मान्यता देण्यात आली.नंदुरबार जिल्हा शाखेचे प्रतिनिधी सदर कार्यक्रमास विशेष अतिथी म्हणून उपस्थित होते.कार्यक्रमाचे अध्यक्ष उमाकांत शेंडे,प्रमुख पाहुणे तारकल बांबोळे, मिलिंद बारसिंगे,मोतीराम चौधरी,अलर्ट इंडिया चे प्रकल्प समन्वयक अभिजीत कांबळे, गुरुदेव भुरसे, नंदुरबार शाखेचे अध्यक्ष खंडेराव चित्ते,कोषाध्यक्ष योगेश साबळे,कुष्टांतेय अधिकार मंच च्या सदस्या वनिता बोरकर,संस्थेचे मार्गदर्शक आशुतोष प्रभावळकर,संस्थेचे कार्यकारी संचालक गुणवंत वैद्य यांची उपस्थिती होती.या कार्यक्रमात गडचिरोली व चंद्रपूर जिल्ह्यातील संस्थेचे आजीवन सदस्य बहुसंख्येने उपस्थित होते.यावेळी उपस्थित पाहुण्यांचे समयोचित मार्गदर्शन झाले.कार्यक्रमाचे प्रास्ताविक करतांना अश्विनी नन्नावरे यांनी सक्षम कुष्ठांतेय स्वाभिमानी संस्थेने केलेल्या यशस्वी कार्याची यशोगाथा प्रस्तुत केली. कार्यक्रमाचे संपूर्ण संचालन विद्यानंद दांडेकर यांनी केले तर आभार प्रदर्शन प्रतिमा चौधरी यांनी केले.कार्यक्रमाच्या यशस्वीतेसाठी श्रावण हांडेकर,मिलिंद बारशिंगे,नारायण उरकुडे,विद्या कांबळी,विनोद डोंगरवार,संदीप माटे,शरद निकुरे व सर्व समाज प्रवर्तक आणि संस्थेच्या सदस्यांनी अथक परिश्रम घेतले.
