देसाईगंजच्या अनिकेत समाजकार्य महाविद्यालयाच्या पाच विद्यार्थ्यांची क्षेत्रकार्यासाठी निवड..

देसाईगंज(गडचिरोली):-देसाईगंज शहराच्या अनिकेत समाजकार्य महाविद्यालयाचे प्रा.डी.एस.भागडकर यांच्या मार्गदर्शनाखाली पाच विद्यार्थ्यांची लोकमान्य टिळक नगरपरिषद प्राथमिक शाळा(विर्शी)वार्ड देसाईगंज शाळेत क्षेत्रकार्यासाठी निवड करण्यात आली आहे.यात अनिकेत समाजकार्य महाविद्यालयाचे आर्यन मेश्राम, आदित्य धाकडे, भावना शेंडे,प्रतिक्षा निकोडे,निकेश लाडे ‌यांची निवड करण्यात आली असून नेमणूक दिलेल्या क्षेत्र कार्यात समस्याग्रस्त विद्यार्थ्यांचा विकास करणे, विद्यार्थ्यांच्या समस्या सोडविण्यास मदत करणे,समस्या सोडविण्याच्या प्रक्रियेचे शिक्षण देणे व विद्यार्थ्यांचा आत्मविश्वास वृध्दींगत करणे,असे कार्य करणे आहे. यासाठी लोकमान्य टिळक नगरपरिषद शाळेतील प्रत्येक वर्गावर एका विद्यार्थ्याची नेमणूक करण्यात आली आहे.यासाठी विद्यार्थ्याने आपल्या वर्गातून एका अशिलाची निवड केली आहे.अशिलाच्या माध्यमातून इतर विद्यार्थ्यांना मोलाचे मार्गदर्शन,लिहायला आणि

वाचायला शिकवणे,त्यांच्यात आत्मविश्वास वाढविणे व इतर विविध उपक्रम घेणे,असे अनेक प्रकारचे कार्य सुरू आहेत.लोकमान्य टिळक नगरपरिषद प्राथमिक शाळेचे मुख्याध्यापक आत्माराम कापगते,शिक्षक विष्णू सोळंके, शिक्षिका रीना बनसोड,उर्वशा ठाकरे यांचेसह शाळेतील कर्मचारीवृंद मोलाचे सहकार्य करीत आहेत.