तरुणाने राहत्या घरीच घेतला गळफास..!

चंद्रपूर :-एका ३६ वर्षीय विवाहित तरुणाने राहत्या घरीच गळफास घेऊन जीवनयात्रा संपवल्याची घटना आज,रविवार ३१ मे रोजी सकाळच्या सुमारास चंद्रपूर जिल्ह्याच्या वरोरा शहरातील जिजामाता वॉर्ड येथे उघडकीस आली.सचिन सुरेश कुथे वय ३६ वर्षे, रा.जिजामाता वॉर्ड,वरोरा,जि.चंद्रपूर असे आत्महत्या केलेल्या तरुणाचे नाव असून ते सिव्हील कॉन्ट्रॅक्टर होते.

सकाळचे आठ वाजले तरीही सचिन झोपेतून जागा झाला नसल्याने त्यांची आई त्यांना उठविण्यासाठी खोलीत गेल्या असता सचिन गळफास घेतलेल्या अवस्थेत दिसून आला.समोरील दृश्य पाहून आईने हंबरडा फोडताच कुटूंबीय तसेच परिसरातील नागरिकांनी धाव घेतली.लागलीच सदर घटनेची माहिती वरोरा पोलिसांना देण्यात आली.पोलिसांनी तात्काळ घटनास्थळ गाठून पंचनामा केला व मृतदेह शवविच्छेनासाठी वरोरा येथील शासकीय रुग्णालयात पाठवला.आत्महत्येचे कारण अद्याप गुलदस्त्यात असून पोलिसांनी पुढील तपास सुरू केला आहे. सचिन कुथे यांच्या पश्चात पत्नी,दोन वर्षाचा मुलगा आणि अवघ्या सहा महिन्यांची मुलगी असा परिवार आहे.घटनेने कुथे परिवार शोकसागरात बुडाला असून परिसरात हळहळ व्यक्त केली जात आहे.