घराबाहेर पडली ‘ती’ परतलीच नाही; अल्पवयीन मुलीचा थांगपत्ताच लागेना..!

आरमोरी(गडचिरोली):-नेहमी कॉलेजला जाणारी अल्पवयीन मुलगी घराबाहेर पडली ती घरी परतलीच नाही.कुटुंबीयांनी सर्वत्र शोधाशोध करुनही तिचा कुठेही थांगपत्ता लागलेला नसल्याने अखेर मुलीच्या वडिलांनी आरमोरीच्या पोलीस ठाण्यात तक्रार दाखल केल्याने सदर प्रकरण उजेडात आले.आरमोरी तालुक्याच्या एका गावातील अल्पवयीन मुलगी ११ वीत शिक्षण घेत आहे.ती दररोज कॉलेजला जात होती.मात्र,चार दिवसांपूर्वी म्हणजेच सोमवार ११ ऑगस्ट रोजी नेहमी प्रमाणे ती कॉलेजला जाते म्हणून सकाळच्या सुमारास घराबाहेर पडली.कॉलेजची सुट्टी दुपार पर्यंत होत असल्याने ती दुपारी घरीच गेली नाही.त्यामुळे कुटूंबीय चिंताग्रस्त झाले.मुलगी घरी परतली नसल्याने तिच्या पालकांनी कॉलेजला जाऊन विचारपूस केली असता,ती कॉलेजात गेली नसल्याची माहिती मिळाली. नातलग,मित्र-मैत्रीण व इतर ठिकाणी शोध घेऊनही ती कुठेच आढळून आली नसल्याने १७ वर्षीय मुलगी कुठे गेली असावी? कुणी फुस लावून पळवून तर नेले नसावे? या विवंचनेत असतांनाच मुलीच्या कुटुंबीयांनी आरमोरी पोलीस ठाणे गाठून तक्रार दाखल केली.त्यानुसार अज्ञाता विरुद्ध आरमोरी पोलीस ठाण्यात गुन्हा दाखल करण्यात आला असून प्रकरणाचा पुढील तपास ठाणेदार कैलास गवते यांच्या मार्गदर्शनाखाली पोलीस उपनिरीक्षक संतोष काडोळे करीत आहेत.