१५ वर्षीय अल्पवयीन मुलीवर अत्याचार; २१ वर्षीय तरुणावर पोक्सोसह अन्य कलमान्वये गुन्हा दाखल..

भंडारा :-एका १५ वर्षीय अल्पवयीन मुलीला प्रेमाच्या जाळ्यात ओढून २१ वर्षीय तरुणाने भंडारा येथे भेटण्यासाठी बोलावले व नंतर तिला एका ठिकाणी नेत अत्याचार केला.मुलीची आई मुलगी कुठे गेली म्हणून चिंतातुर झाली असतांनाच घरी परतताच जाब विचारला असता मुलीने आपबिती सांगितली. त्यानुसार पीडित मुलीच्या आईच्या तक्रारीवरून, अड्याळ पोलिसांनी फूस लावून पळवून नेणे, अत्याचार करणे यासह कलम १३७ (२),६४(१), ६५(१) भारतीय न्याय संहिता सहकलम ४, ६ पोक्सोअंतर्गत गुन्हा दाखल केला आहे.आरिफ अंकुश मेश्राम रा.कवडसी,ता.भंडारा असे आरोपी तरुणाचे नाव असून पवनी तालुक्याच्या अड्याळ पोलिसांनी अटक केली आहे.सदरची घटना रविवारी घडली.१५ वर्षीय अल्पवयीन मुलीला आरोपी आरिफने भंडारा येथे बोलावून अत्याचार केला.नंतर तिला पुन्हा भंडारा बसस्टॉपवर सोडून दिले.आईने मुलीला विश्वासात घेऊन विचारणा केल्यावर सदर प्रकार उघडकीस आला आणि तक्रार दाखल करण्यात आली.