सामाजिक कार्यकर्ते खेमराज नेवारेंनी ६८ वा धम्मचक्र प्रवर्तन दिन भीम सैनिकांसोबत केला साजरा..

देसाईगंज(गडचिरोली):-गडचिरोली जिल्ह्याच्या देसाईगंज शहरात काल,सोमवारी ६८ वा धम्म चक्र प्रवर्तन दिन शहराच्या भारतरत्न डॉ.बाबासाहेब आंबेडकर पदस्पर्श पावन भूमी असलेल्या दिक्षाभुमी येथे हजारोच्या संख्येने बौद्ध अनुयायांनी मोठ्या उत्साहात साजरा केला.

दिक्षाभुमी येथे दरवर्षी हजारोंच्या संख्येने बौद्ध उपासक-उपासिका धम्म चक्र प्रवर्तन दिन उत्सव साजरा करण्यासाठी एकत्र येतात.६८ व्या धम्म चक्र प्रवर्तन दिनानिमित्त शहरातून संपूर्ण वार्डातून भीमरॅली काढण्यात आली.शहरासह परिसरातील बौद्ध उपासक-उपासिका रॅलीमध्ये मोठ्या उत्साहाने सहभागी झाले होते.अशातच सामाजिक कार्यकर्ते खेमराज नेवारे यांनी दरवर्षी प्रमाणे यावर्षी सुद्धा बौद्ध बांधवांकरिता पिण्याच्या पाण्याची सोय करून भीम सैनिकांसमवेत धम्मचक्र प्रवर्तन दिनाच्या उत्साहात सहभागी झाले होते.

खेमराज नेवारे गेल्या अनेक वर्षांपासून भीम रॅली मध्ये सहभाग होणाऱ्या बौद्ध बांधवांकरिता पिण्याच्या पाण्याची सोय करीत असतात.यातून त्यांची बौद्ध बांधवाविषयी असलेली तळमळ, आपुलकी, प्रेम, आत्मीयता प्रकर्षाने दिसून येते.६८ व्या धम्मचक्र प्रवर्तन दिनी खेमराज नेवारे सह वैभव परशुरामकर, सलमान पठाण,नरेश वासनिक,पत्रकार दिलीप कहूरके,निखिल मेश्राम, प्रकाश सांगोळे,सुधीर मेश्राम,हितेंद्र गजघाटे, तुषार रहाटे,बौद्ध उपासक, उपासिका तसेच देसाईगंज शहरातील मित्र परिवार मोठ्या संख्येने उपस्थित होते.