विवाहित महिलेवर अत्याचार; त्रासाला कंटाळून महिलेची पोलिसात तक्रार..

भंडारा :-जिल्ह्याच्या पवनी तालुक्यातील एका गावातील विवाहीतेस लग्नाचे आमिष दाखवून अत्याचार करणाऱ्या व वारंवार त्रास देणाऱ्या ३० वर्षीय इसमाची त्रासाला कंटाळून महिलेने पवनी पोलिस ठाण्यात तक्रार दाखल केली.त्यानुसार पोलिसांनी गुन्हा दाखल केला आहे.गोलू मुंडले वय ३० वर्षे रा.रुयाळ ता.पवनी असे अत्याचार करणाऱ्या आरोपीचे नाव आहे.

माहितीनुसार,पिडीत महिला पवनी तालुक्यातील एका गावातील असून महिलेचे वडिल आणि आरोपी हे मित्र असल्याने लग्नाआधीपासून आरोपीचे महिलेच्या घरी येणे-जाणे सुरू होते.दोघेही एकमेकांना चांगल्या प्रकारे ओळखत होते.पिडीत महिला ही आधारकार्ड दुरुस्तीच्या कामासाठी ६ जानेवारी २०२५ ला आपल्या गावावरुन पवनी येथे गेली होती.सदर महिला पवनीच्या जुन्या बसस्थानकावर असतांना त्याठिकाणी आरोपी गोलू हा दुचाकीने आला आणि आपण फिरून येऊ,असे सांगत तिला दुचाकीवर बसवून गोसे मार्गावरील एका लॉजमध्ये नेले.तिथे त्याने तिला लग्नाचे आमिष दाखवत तिच्या इच्छेविरुद्ध शारिरीक संबंध प्रस्थापित केले.त्यानंतर १७ जानेवारी रोजी पुन्हा पवनी येथील एका लॉजवर नेऊन संबंध प्रस्थापित केले.त्यानंतर आरोपी वारंवार महिलेला फोन करुन त्याच्याकडे येण्यास सांगत होता व धमकीवजा बोलणी करून पतीला सर्वकाही सांगण्याची धमकी देत होता.त्यामुळे महिलेने सर्व हकीकत आपल्या पतीला सांगितली.तेव्हा पतीने आरोपीला,पत्नीला फोन न करण्याबाबत बजावले असता त्यालाच धमकी दिली.२९ जानेवारी२०२५ रोजी आरोपी मुंडले हा थेट पती काम करीत असलेल्या ठिकाणी गेला.तिथे त्याने पत्नीला घटस्फोट देण्यासाठी धमकी दिली.त्यामुळे पिडीत महिला व तिच्या पतीने पवनी पोलीस ठाण्यात जाऊन तक्रार दाखल केली.तक्रार दाखल करताच पवनी पोलिसांनी

आरोपी गोलू मुंडले याच्याविरुद्ध गुन्हा नोंदविला असून पुढील तपास पवनी पोलीस प्रशासन करीत आहे.