विरुद्ध दिशेने येणाऱ्या वाहनाची धडक; दुचाकीस्वाराचा मृत्यू..

भंडारा :-रात्रीच्या सुमारास दुचाकीवरून काही कामानिमित्त शहराकडे निघालेल्या सेवानिवृत्त मुख्याध्यापकांच्या दुचाकीला विरुद्ध दिशेने भरधाव वेगात जाणाऱ्या वाहनाने धडक दिल्याने यात दुचाकीस्वाराचा मृत्यू झाल्याची घटना काल बुधवारच्या रात्री आठ वाजताच्या सुमारास चप्राड-दिघोरी मार्गावर घडली.महादेव केशव मेश्राम वय ६२ वर्षे,रा.लाखांदूर, जि.भंडारा असे मृत पावलेल्या सेवानिवृत्त मुख्याध्यापकाचे नाव आहे.रात्रीच्या सुमारास मेश्राम हे काही कामानिमित्त शिवाजी टी-पॉइंट परिसरातून आपल्या दुचाकीने लाखांदूर शहराकडे निघाले होते. दरम्यान,सोनी-चप्राडकडून दिघोरीकडे जाणाऱ्या भरधाव वाहनाने त्यांच्या दुचाकीला धडक दिली.यात मेश्राम हे धाडकन खाली कोसळले.खाली कोसळल्याने त्यांच्या डोक्याला जबर मार लागला.नागरिकांनी त्यांना तात्काळ लाखांदूर ग्रामीण रुग्णालयात दाखल केले. मात्र,त्यांच्या डोक्याला गंभीर दुखापत झाल्याने रुग्णालयातच अखेरचा श्वास घेतला.प्रकरणी लाखांदूर पोलिसांनी वाहन चालकाविरुद्ध गुन्हा नोंद करून पुढील तपास सुरू केला आहे.