पदाचा गैरवापर; तहसीलदार निलंबित…

भंडारा :-आदेश नसतांना शेती अकृषक परवानगीचे आदेश दिल्याप्रकरणी भंडाराच्या तहसीलदार विनीता लांजेवार यांना महसूल वनविभागाने निलंबित केले आहे.पदाचा गैरवापर केल्याने त्यांच्या विरोधात ही कारवाई करण्यात आली.या कालावधीत लांजेवार यांचे मुख्यालय भंडारा जिल्हाधिकारी कार्यालय असणार आहे.जिल्हाधिकाऱ्यांच्या परवानगीशिवाय लांजेवार यांना मुख्यालय सोडता येणार नाही. भंडाऱ्याचे आमदार नरेंद्र भोंडेकर यांनी लांजेवार यांची तक्रार केली होती.निलंबित होणाऱ्या लांजेवार या सलग दुसऱ्या तहसीलदार आहेत.यापूर्वी तहसीलदार हिंगेसुद्धा एका वेगळ्या प्रकरणात निलंबित झाले होते.पोलिस पाटलांच्या प्रकरणात त्यांना निलंबित करण्यात आले होते.हिंगेच्याही प्रकरणात आमदार भोंडेकर यांनीच तक्रार केली होती.त्यामुळे आता भंडाऱ्यात तहसीलदार म्हणून येण्यासाठी अधिकारी कचरत आहेत.आता भंडारा तहसीलदार पदावर धनंजय देशमुख येणार आहेत आणि सोमवारी ते आपला पदभार स्वीकारणार असल्याची माहिती आहे