नागपूरला अवकाळी पावसाने झोडपले; आज सकाळपासून पावसाच्या सरी..

नागपूर :- भारतीय हवामान विभागाकडून विदर्भातील विविध जिल्ह्यांमध्ये वादळी वारे,गारपीट आणि विजांच्या कडकडाटासह पावसाचा इशारा दिला असतांनाच आज,गुरुवार ३ एप्रिल रोजी सकाळपासूनच नागपूर शहरातील अनेक भागांत जोरदार पावसाच्या सरी बरसल्या.त्यातच काल बुधवारी रात्रीच्या सुमारास जोरदार वादळी वाऱ्यासह पाऊस पडल्याने नागपुरातील काही ठिकाणी मुख्य मार्गांवर झाडे कोलमडून पडली होती.ऐन उन्हाळ्यात अवकाळी पाऊस कोसळू लागल्याने आजारांमध्ये वाढ होण्याची शक्यता वर्तविण्यात येत आहे.पुढील २४ तासांतही नागपूरसह बुलढाणा,अकोला,अमरावती,यवतमाळ,वाशीम,भंडारा आणि गोंदिया जिल्ह्यांमध्ये वादळी वाऱ्यासह गारपीट होण्याची शक्यता वर्तवण्यात आली आहे.अवकाळीचा फटका सर्वात जास्त शेतकरी बांधवांना बसणार आहे.